Jaan Nisar Akhter

[Spy009]

Jaan Nisar Akhter

19th August 2006 ko Jaan Nisar Akhter ka 13th death anniversary tha,

Jaan Nisar Akhter Hindustan ke maqbool tareen lyricist Javed Akhter ke walid thay, Safiya Akhter ka husband aur Majaz Lucknawi ka Brother in law

His own father, Muztar Khairabadi was a well known poet and actually composed the Ghazal (Yes, it was him and not Bahaddur Shah Zafar).



1.)
Zindagi tanha safar ki raat hai
Apney apney hausley ki baat hai

Kis aqeeday ki duhaayi dejiyie
Har aqeeda aaj be-auqaat hai

2.)
Jaayie baiThiye hukmaraanon ke bich
Aap kyon aa gaye ham deewaano ke bich

Aur kya hai siyasat ke bazaar mein
Kuch khiloney sajey hain dukanon ke bich

Tha jinhen ishq ka hauslaa uTh gaye
Tazkirey rah gaye daaston ke bich

3.)
Ujdi ujdi huwi har aas lage
Zindagi Ram ka ban-vaas lage

Tu ke bahti huwi nadiyaa ke samaan
Tujhko dekhoon to mujhey pyaas lage


4.)
Bhooley na kisi haal mein aadaab-e-nazar ham
Mud kar na tujhey dekh sakey waqt-e-safar ham

Ai husn! Kisi ne tujhey itnaa to na chaaha
Barbaad huwa tere liye kaun, magar ham

[jugnoo217]

Re: Jaan Nisar Akhter

nice sharing janab................ :)

[Zafar M.]

Re: Jaan Nisar Akhter

Leejiye pesh hai Jan Nisar Akhtar Sahab ki yeh ghazal:

Urhi urhi hui har aaas lagey
Zindgi Ram ka banbas lagey

Tu ke behtu hui nadiya ke samaan
Tujhko dekhoon to muhjhko pyas lagey

Phir bhi chhona usey aasaan nahee
Itni doori pe bhi jopaas lagey

Waqt saaya sa koi chhorh gaya
Yeh jo aik dard ka ahsaas lagey

Aik aik leher kisi yug ki katha
Mujhko ganga koi itihaas lagey

Sher-o-naghme se yeh wehshat teri
Khud teri rooh ka iflaas lagey