Salauddien Ka Shahiri.

[Salauddien Mengal]

Re: Salauddien Ka Shahiri.

Kaash Koi Samjha Daita ...

Guftugo Ke Lamhon Main
Dekh He Nahi Paatay
Ham Tumharay Chehray Ko
Tum Hamari Aankhon Ko
Aaj Aisa Kartay Hain
Chasm-o-lab Ko Parhtay Hain
Baat Chor Datay Hain

Jaane Kiya Lamha Hoga
Jab Ye Hath Hathon Say
Gar Kabhi Juda Hoga
Aaj Aisa Kartay Hain
Zabt-e-Jaan Parakhtay Hain
Hath Chor Datay Hain

Kash Koi Samjha Day
Loag Kis Tarah Dil Ki
Manzilain Alag Kar Kay
Saath Chor Datay Hain
Aaj Aisa Kartay Hain
Bey-sabab Bikhartay Hain
Zaat Taur Datay Hain...

[Salauddien Mengal]

Re: Salauddien Ka Shahiri.

Apne Haathon Se ...

Apne Haatho Se Yun Chehre Ko Chupate Q Ho,
Mujh Se Sharmate Ho To Saamne Atay Q Ho...

Tum Kabhi Mere Tarha Kar Bhi Lo Ikraar-e-Wafa,
Pyar Karte Ho To Phir Pyar Chupate Q Ho...

Ashq Aankho Mein Mere Dekh K Rote Q Ho,
Dil Bhar Aata Hai To Phir Dil Ko Dukhate Q Ho...

In Se Vaabasta Hai Jab Mera Muqadar Phir ....!!!
Mere Shano Se Ye Zulf Hatatay Q Ho......!!

Roz Mar Mar K Mujhe Jeenay Ko Kehte Q Ho,
Milne Aatay Ho To Phir Laut K Jatay Q Ho...

Apne Haatho Se Yun Chehre Ko Chupate Q Ho,
Mujh Se Sharmate Ho To Saamne Atay Q Ho...

[roshini]

Re: Salauddien Ka Shahiri.

Tujhay Ishq Ho Khuda Karey..............

Phir Khuda Tujhey Uss Say Juda Karey

Tu Paa Kar Bhi Ussey Paa Na Sakey
Tu Bichar Kar Bhi Uss Say Juraa Rahey

Tu Uss Say Milnay Ki Dua Karey
Wo Tujh Say Bicharney Pay Iktafa Karey

Tu Keh Kar Bhi Khuch Keh Na Sakey
Teri Choop Har Pal Aessi Sadaa Karey

Tu Har Dam Zindagi Say Gilla Karey
Teri Mot Tujh Say Khaafaa Rahay

Tu Marney Ki Din Raat Dua Karey
Mera Rabb Teri Umer Daraz Karey

Terey Haath Bhi Khuch Yoon Khali Rahein
Tera Daaman Khushiyon Say Bhara Rahay

Teri Hasraton Ko Na Kahein Dawaam Miley
Tujhay Musaraton Ka Ajnabi Jahaan Milay

Terey Dard Ka Sehraa Bay Aab Rahay
Tu Aanso Ki Ik Boond Ko Tarsaa Karey

Na Kisi Ki Wafaa Say Tujhay Gharaz Rahay
Na Kisi Ki Jafaa Par Tujhey Gilaa Rahay

Mera Rabb Teri Khalwat Aabad Karey
Tu Bhari Mehfil Mein Tanhaa Rahey

Teri Tadbeer Ko Aesii Maat Milay
Tu Ishq Ko Aqal Say Jooda Kahey

Tujhay Ishq Mei Aesaa Arooj Milay
Tu Pasti Mein Boolandi Say Baha Karey

Mein Kahoon K Ishq Dhong Hay
Tu Anal Haq Kehtey Mara Karey

Tu Mizaaron Pay Jaa Jaa K Duaa Karay
Tu Kutbon Pay Likhi Tehreer Parha Karay

Merey Humnafas Hay Meri Yay Dua
Raab Hamein Aesaa Dil Aataa Karey

Jiss Mein Faqat Ussi Ka Ho Ziker Jaari
Jiss Mein Hoobbay Mustafa(Saw) Rahay

Mein Rahoon Na Rahoon Tu Rahay Na Rahay
Yay Daastaan Ussi K Naam Say Zinda Rahay

Jo Kuch Tha Merey Paas Nayaab Wo Sub Mein Nay Daan Kiya
Bas Itni Si Hay Aarzoo Koi To Meri Bhi Maghfirat Ki Duaa Karey

nice one:rose

[Salauddien Mengal]

Re: Salauddien Ka Shahiri.

thanks you ...

[Salauddien Mengal]

Re: Salauddien Ka Shahiri.

Us ko aana hai aur woo be-naqaab aayegaa
Jab tamanaa pe mere shabaab aayegaa

Zalimon ke pujarii kahaan jayengain
Jab chamakataa howa aaftaab aayega



Aaj kal mujhse woo baat karataa nahin
Aur ab kyaa zamaanaa Kharaab aayegaa



Rang layegaa jab Khoon mazloom kaa
Woo zamaanaa bhii jaldii janaab aayegaa


Saath us ke siwaa koii degaa nahin
Jab Uss kaa zamaanaa Kharaab aayegaa

[Wafa]

Re: Salauddien Ka Shahiri.

nice choice of poetry lexicom.......:D:

[Salauddien Mengal]

Re: Salauddien Ka Shahiri.

... Aye ishq na chher aa k hamein ...
... Hum bhoole hoan ko yaad na kar ...
... Pehley he bohut nashaad hain hum ...
... Tu aur hamein nashaad na kar ...
... Qismat ka sitam he kam nahen kuch ...
... Yeh taaza sitam ijaad na kar ...
... Yon zulam na kar bedaad na kar ...
... Aye ishq hamein barbaad na kar ...


... Jis din se miley hain dono ka ...
... Sab chain gaya aaraam gaya ...
... Chehron se bahar-e-subha gaee ...
... Aakhon se farog-e-sham gaya ...
... Haathon se khushi ka jaan chhota ...
... Honton se hasi ka naam gaya ...
... Gumgeen na bana nashaad na kar ...
... Aye ishq hamein barbaad na kar ...



... Raaton ko uth uth ker rotey hain ...
... Ro ro k duwaein kertey hain ...
... Aankhon main tasawar dil main khalish ...
... Sar dhondhtey hain aahein bhertey hain ...
... Aye ishq yeh kaisa rog laga ...
... Jeetey hain na zalim martey hain ...
... Yeh zulm to aye jallaad na kar ...
... Aye ishq hamein barbaad na ker ...


... Ye rog laga hai jab se hamein ...
... Ranjida hon main bemaar hai woh ...
... Her waqt tapish her waqt khalish ...
... Bekhuwaab hon main bedaar hai woh ...
... Jeeney se idher bezaar hon main ...
... Marney pay udher tayyaar hai woh ...
... Aur zabt kahey faryaad na kar ...
... Aye ishq hamein barbaad na kar ...


... Bedard zara insaaf to ker ...
... Is umer main or magmoom hai woh ...
... Phoolon ki tarha nazuk hai abhi ...
... Taaron ki tarha masoom hai woh ...
... Ye husn sitam ye ranj gazab ...
... Majboor hon main mazloom hai woh ...
... Mazloom pay yon bebaad na kar ...
... Aye ishq hamein barbaad na kar ...
... Aye ishq khudara dekh kahein ...


... Woh shokh haseen badnaam na ho ...
... Woh mah-e-laqaa badnaam na ho ...
... Woh zohra-jabeen badnaam na ho ...
... Naam us ka us k pass rahey ...
... Woh parda-nasheen badnaam na ho ...
... Us parda-nasheen ko yaad na kar ...
... Aye ishq hamein barbaad na kar ...


... Umeed ki jhooti jannat k ...
... Reh reh k na dikhlana khuwaab hamein ...
... Aainda k farzi ishrat k ...
... Waadey se na kar betaab hamein ...
... Kehta hai zamana jis ko khushi ...
... Aati hai nazar kaamyaab hamein ...
... Chhor aisi khushi ko yaad na kar ...
... Aye ishq hamein barbaad na kar ...


... Do din he main ahad-e-tifali k ...
... Masoon zamaney bhool gaye ...
... Aankhon se woh khushiyan mit c gaein ...
... Lab k woh taraney bhool gaye ...
... Un pak behishti khuwaabon k ...
... Dilchasp fasaney bhool gaye ...
... Un khuwabon se yon azaad na kar ...
... Aye ishq hamein barbaad na kar ...


... Aakhon ko ye kiya aazaar huwa ...
... Her jazba-e-nihaan par ro dena ...
... Aahang-e-tarab pay jhuk jana ...
... Awaz-e-fugaan par ro dena ...
... Barbaat ki sada par ro dena ...
... Mutrib k bayaan par ro dena ...
... Ehsaas ko ghum buniyaad na kar ...
... Aye ishq hamein barbaad na kar ...


... Ji chahta hai ek dosrey ko ...
... Yon aath pahar hum karein ...
... Aakhon main basaein khuwabon ko ...
... Aur dil ko khayal abaad karein ...
... Khilwat main bhi jo jalwat ka samaan ...
... Wahadat ko duwa se shaad karein ...
... Yeh aarzoo ijaad na kar ...
... Aye ishq hamein barbaad na kar ...


... Woh raaz hai yeh ghum aah jissey ...
... Paa jaye to khair nahen ...
... Aankhon se jab aansoo behtey hain ...
... Aa jaye koi to khair nahen ...
... Zalim hai yeh duniya, dil ko yahan ...
... Bhaa jaye koi khair nahen ...
... Hai zulm magar faryaad na kar ...
... Aye ishq hamein barbaad na kar ...
Love 4 Ever

... Duniya ka tamsha dekh liya ...
... Ghumgeen c hai betaab c hai ...
... Umeed yahan ek veham c hai ...
... Taskeen yahan ek khuwaab c hai ...
... Duniya main khushi ka naam nahen ...
... Duniya main khushi nayab c hai ...
... Duniya main khushi ko yaad na kar ...

... Aye ishq hamein barbaad na kar ...

[Salauddien Mengal]

Re: Salauddien Ka Shahiri.

~Teri Judai~
Teri Judai se kya kya na sikha hai
Pehle hasna aur phir rona sikha hai
---------------------------------------------
---------------------------------------------
Tujh hi se sab sikha hai
Dard mein hasna bhi
Teri judai se sikha hai
---------------------------------------------
---------------------------------------------
Logo se Mohabbat karna
logo ke dard ko apna samjhna bhi
Teri judai se sikha hai
---------------------------------------------
---------------------------------------------
Dard sahna, dard mein muskrana Aur
Tanhai main rona bhi
Teri judai se sikha hai
---------------------------------------------
---------------------------------------------
Har waqt tarapna
Raaton ko uth uth ke rona bhi
Teri judai se sikha hai
---------------------------------------------
---------------------------------------------
Teri judai se kya kya na sikha hai
"Tariq" nai pehle hasna aur phir rona sikha hai

[Salauddien Mengal]

Re: Salauddien Ka Shahiri.

Kyun pyaar us par hi aata hai,
Jo mil kar bhi naa mil pata hai.
Kaise yeh usse batayein hum,
Tujh bin rah na paayein hum.

Kyun baar baar woh satata hai -
Kuwaabon main aakar rulata hai?
Bhulanaa us ko chahein hum,
Par kis tarah bhulaayein hum?

Woh mann main har dum rahta hai,
Dharkan ki tarah dharkta hai.
Hain issi ehsaas se zindaa hum,
Hain ek-duje ke dil o jaan hum.

Ek duje ke dil main rahte hain -
Kya pyaar issi ko kahte hain?

[Salauddien Mengal]

[Salauddien Mengal]

Re: Salauddien Ka Shahiri.

[pak_baloch]

Re: Salauddien Ka Shahiri.

Shukriya .......

[i see u]

Re: Salauddien Ka Shahiri.

Aslamolekum..

This Is my New Thread,,

MERE NASEEB KA SITARA

Kahan chhupa hai kahan hai roshan
Kahan pe aakhir woh kho gaya hai
Main dhoondti hoon zameen pe uss ko
Magar woh ambar pe so gaya hai

MERE NASEEB KA SITARA

Dil mein basay hain sawal kitnay
Har ik sawal uss se poochna hai
Ufaq pe roshan hain kitnay taray
Magar faqat mujh ko dhoondna hai

MERE NASEEB KA SITARA

Adhoori si hai yeh zaat meri
Hayaat meri hai namukammal
Woh aa k mujh ko samait le ga
Karay ga mujh ko wohi mukammal

MERE NASEEB KA SITARA

Fikr mein kaati hain kitni raatien
Magar kyun mujh ko nahi hai dikhta
Main uss se har waqt rahun mukhatib
Woh mujh se baatien nahi hai karta

MERE NASEEB KA SITARA

Udas aankhon mein neend de kar
Woh mere sapnay sanvaarta hai
Woh apnay aanay ki aas de kar
Mere junoon ko ubhaarta hai

MERE NASEEB KA SITARA

Woh jald aa k milay ga mujh se
Bus is umeed ka hai sahara
Hazar khushian hain uss pe waari
Hai mujh ko duniya mein sab se pyara

VERY NICE:rose

[i see u]

Re: Salauddien Ka Shahiri.



:tauba :kr: :kr:

[Daood]

Re: Salauddien Ka Shahiri.

Good