Tweet
حقیقتوں کا جلال دیں گے
حقیقتوں کا جلال دیں گے صداقتوں کا جمال دیں گے
تجھے بھی اے غم زمانہ غزل کے سانچے میں ڈھال دیں گے
تپش پتنگوں کی بخش دیں گے لہو چراغوں میں ڈال دیں گے
ہم ان کی محفل میں رہ گئے ہیں تو ان کی محفل سنبھال دیں گے
یہ عقل والے اس طرح ہمیں فریب کمال دیں گے
جنوں کے دامن سے پھول چن کر, خرد کے دامن میں ڈال دیں گے
ہماری آشفتگی سلامت سلجھ ہی جاۓ گی زلف روا
جو پیچ و خم رہ گئے ہیں باقی وہ پیچ و خم بھی نکال دیں گے
Comment