Tweet
اپنی پلکیں بچھا
اپنی پلکیں بچھا کے رکھ دی ہیں
تیری گلیاں سجا کے رکھ دی ہیں
آج باتیں ہزار کرنا تھیں
ساری کل پہ اٹھا کےرکھ دی ہیں
کوئی منظر کہیں سے لے آنا
میں نے آنکھیں بنا کے رکھ دی ہیں
گیت گائیں گی رات بھر یادیں
میں نے تاریں ہلا کے رکھ دی ہیں
آندھیوں کو ذرا خبر دے دو
میں نے شمعیں جلا کے رکھ دی ہیں
اپنے کمرے کے ایک کونے میں
تیری یادیں بُجھا کے رکھ دی ہیں
دونوں آنکھوں کی پتلیاں میں نے
تیری کھڑکی میں لا کے رکھ دی ہیں.
Comment