Tweet
لڑکیاں بے وفا نہیں ہوتیں
وہ تو مجبوریوں میں لپٹی ہیں
اپنے شدت بھرے خیالوں میں
اپنے اندر چھپی اک عورت میں
وہ ہمیشہ ہی ڈرتی ہیں
نہ تو جیتی ہیں نہ تو مرتی ہیں
لڑکیاں بے وفا نہیں ہوتیں
پر ہمیشہ ہی ڈرتی رہتی ہیں
اپنی ریتی اور رواجوں سے
آنے والے نئے عذابوں سے
زرد رُت میں کِھلے گلابوں سے
پیار کرتی ہیں اور چھپاتی ہیں
لڑکیاں بے وفا نہیں ہوتیں
کیونکہ مجبوریوں میں لپٹی ہیں
اور ہر لمحہ ڈرتی ہیں
اپنے پیار سے اپنے سائے سے
اپنے رشتوں سے دل کی دھڑکن سے
اپنی خواہش سے اپنی خوشیوں سے
لڑکیاں بے وفا نہیں ہوتیں
(پروین شاکر)
--
Comment