Tweet
کہانی ختم ہوتی ہے کبھی انجام سے پہلے
لبوں پہ پُھول کِھلتے ہیں کسی کے نام سے پہلے
دِلوں کے دیپ جلتے ہیں چراغِ شام سے پہلے
کبھی منظر بدلنے پر بھی قِصّہ چل نہیں پاتا
کہانی ختم ہوتی ہے کبھی انجام سے پہلے
یہی تارے تمہاری آنکھ کی چلمن میں رہتے تھے
یہی سُورج نکلتا تھا تُمہارے بام سے، پہلے
دِلوں کی جگمگاتی بستیاں تاراج کرتے ہیں
یہی جو لوگ لگتے ہیں نہایت عام سے پہلے
ہوئی ہے شام جنگل میں پرندے لوٹتے ہونگے
اب اُن کو کِس طرح روکیں، نواحِ دام سے ، پہلے
یہ سارے رنگ مُردہ تھے تمہاری شکل بننے تک
یہ سارے حرف مہمل تھے تمہارے نام سے پہلے
ہُوا ہے وہ اگر مُنصف تو امجد احتیاطً ہم
سزا تسلیم کرتے ہیں کسی الزام سے پہلے
امجد اسلام امجد
دِلوں کے دیپ جلتے ہیں چراغِ شام سے پہلے
کبھی منظر بدلنے پر بھی قِصّہ چل نہیں پاتا
کہانی ختم ہوتی ہے کبھی انجام سے پہلے
یہی تارے تمہاری آنکھ کی چلمن میں رہتے تھے
یہی سُورج نکلتا تھا تُمہارے بام سے، پہلے
دِلوں کی جگمگاتی بستیاں تاراج کرتے ہیں
یہی جو لوگ لگتے ہیں نہایت عام سے پہلے
ہوئی ہے شام جنگل میں پرندے لوٹتے ہونگے
اب اُن کو کِس طرح روکیں، نواحِ دام سے ، پہلے
یہ سارے رنگ مُردہ تھے تمہاری شکل بننے تک
یہ سارے حرف مہمل تھے تمہارے نام سے پہلے
ہُوا ہے وہ اگر مُنصف تو امجد احتیاطً ہم
سزا تسلیم کرتے ہیں کسی الزام سے پہلے
امجد اسلام امجد
Comment