Tweet
Watan ki Muhabbat mey!
Hamara watan, hamein un azeem logon ki qurbaniyon key badolat mila jinhon ney iss zameen ko hasil kerney key liye apna aap tak qurban ker diya-
In logon ney watan ko hasil kerney key liye mehnat ki aur hum aaj in logon ki "Mehnat" ko zaya kerney key liye mehnat ker rahey hein---
In ki her kavish islam key farogh key liye thi aur aaj hamara her qadm hamein islam sey door ker raha hai---
In key dil Musalmano ko aik jaga ikhata kerney key liye kaam kertey they aur hamarey dilon mey barhney wali nafratein hamein roz aik naya firqa bakshti hein---
wo log "musalman aik jism ki manind hein" ka darss deytey they aur aaj hum "jaaney do yaar! " wali baat kertey hein---
wo log bhi watan sey muhabbat ka dawa kertey they aur aaj hum bhi watan sey muhabbat ka dawa kertey hein---leykin shayad hum sirf apni zaban sey dawa kertey hein aur hamara dil yahan hamara sath nahi deyta??---------leykin kam az kam hum mey aur un logon mey aik baat to mushtarik hai---zaban sey kahi hui baat ko dil ki awaz bana na koi ziada waqt nahi leyta----bas is per thora sa kaam kerney ki deyr hai--- inshALlah
ye "Pauda" un logon ney apney khoon sey lagaya tha --- hum ney issey murjhaaney nahi deyna hai balkey is ki heyfazat kerni hai aur issey aik tanawar drakht bana na hai--- inshAllah
Iqbal ney bohot khoob kaha hai
ye matti nam ho to barhi zerkheyz hai saaqi
Comment