Aik meyrey na honey sey...

[Z.]

Aik meyrey na honey sey.....

Zindagi ki itni ziada masroofiat mey pata nahi ye khayal kyun, kab aur kaisey zeyhan mey aya key agar aaj meyra Nata is dunya sey khatam ho jaye to kya ho ga? Aik lamhey ko mujhey aeysa laga key saari kainaat tham gai ho---jheel ka paani bhi----parindoN ki chah-hat bhi----Hawa bhi---lehlahaatey kheyt bhi----Mehaktey phool bhi---aur chaltey huye log bhi----aur waqt bhi-----leykin agley hi lamhey mey Haqeeqat mey thi----shayad ye sirf meyra khayal tha key aeysa kuch ho jaye ga agar kabhi is dunya sey meyra Rishta toot jaye!

leykin aeysa kuch bhi nahi ho ga---Jheel ka paani shayad kabhi kuch dino key liye meyra muntazir ho, iss ki lehRein shayad thora shaur karein---mujhey PukarEin----ParindoN ki chah-chahat shayad us din thori si unchi ho---unhein bhi shayad inteyzaar ho ga key mey unhein SUnu aur SarahuN---hawa aur Mehaktey huye phool bhi shayad thori deyr ko udass hoN---shayad is liye key ab un sey mehzooz honey wala bohot door ja chuka hai-----aur jeetey jaagtey log!!!! ho sakta hai jin logoN key sath Qadam mila ker mey aaj chalti hun un ko thora farQ perhey magar bohot mumkin hai key unhein aur Log mil jayein jo un key raastoN key humsafar hoN----

haan shayad kuch sec. key liye sahih ye Kainat ruk jaye magar phir her cheez apney Mamool per aa jaye gi ---------Aik meyrey na honey sey itna koi itna farq to nahi perhta !!!!!!!

[*Rida*]

Re: Aik meyrey na honey sey...

Assalaam-0-Alaikom:rose
practically zindgi hai hi isi ka naam dearo...
"hum na hongay koi hum sa hoga :)

lakin aik fard ki ehmiyat say inkaar nahin kia ja sakta....woh apnay peechay buht saray aisay loagooN ko chaor jata hai jo us ki kami buht shiddat say mehsoos kartay hain ..usay yaad kartay hain....apni batooN mein apni yadooN mein usay basaye rakhtay hain....aur waqt kay saath sath yeh sab kuch mazi ka hissa ban jata hai ...waqt sab kuch dhundla daita hai :rose

[refreshing_breeze]

Re: Aik meyrey na honey sey...

bohat khubsoorat andaaz mein aap ney apney khayalt ka izhar kiya hai.

rida jaani ki baat se agree karti hoo.

marney walo ke saath insaan mar nahi sakta hai.
lekin un ki kammi insaan shaid har utthtey kaddam ke saath mehsoos karta hai.
waqt ek bohat behtreen marhaam hai aur phir Allah bhi tou sabbar ataa kar deta hai.
lekin phir bhi ek kassak baki rehti hai.

[Muhammad Khalil]

Re: Aik meyrey na honey sey...

humm.......coments baad main donga ager yaad raaha too

[*Duaa*]

Re: Aik meyrey na honey sey...

khoobsoorat andaaz-e-byaa'n :rose

ik insaan k chalay jaanay say wqt ki raftaar thamti hay nah he kahin aur koi badal aata hay...magar kuchh loogoon ki zindagiyun mien khala zaroor payda ho jata hay jisay koi aur pur nhi kar sakta.....
baaqi sab to bas aysay hee hay......hum nah hoon gay koi hum saa ho ga..:)

[Z.]

Re: Aik meyrey na honey sey...

Aap sab key Alfaaz ka shukrya :rose

@ hum na hon gey koi hum sa ho ga

Meyrey khayal mey her banda iss dunya mey unique hai.... uss jaisa kabhi doosra nhi ho sakta hai ... leykin shayad ye meyri apni soch hai ... :)

[Soulmate]

Re: Aik meyrey na honey sey...

nice

[aquari]

Re: Aik meyrey na honey sey...

very nice dear..
ha ek kisi k na honey sey zindagi rukti nahi..pr app ey wabsta loogo ki zindagiyoo main ek kamii zaroor ajaya krti haii.....kunk app sirf app hoo app jaisey tu bauht hogey pr app tu nahi hogey na..:)

[zapk]

Re: Aik meyrey na honey sey...

ڈبویا مجھ کو ہونے نے
نہ ہوتا میں تو کیا ہوتا

[Z.]

Re: Aik meyrey na honey sey...

nice

thanks for reading!

very nice dear..
ha ek kisi k na honey sey zindagi rukti nahi..pr app ey wabsta loogo ki zindagiyoo main ek kamii zaroor ajaya krti haii.....kunk app sirf app hoo app jaisey tu bauht hogey pr app tu nahi hogey na..:)

her banda unique hota hai Aquari .... koi bhi doosra ham jaisa nahi hota hai aur ho bhi nahi sakta hai ........

perhney key liye shukrya :rose

ڈبویا مجھ کو ہونے نے
نہ ہوتا میں تو کیا ہوتا

:)

[aquari]

Re: Aik meyrey na honey sey...

her banda unique hota hai Aquari .... koi bhi doosra ham jaisa nahi hota hai aur ho bhi nahi sakta hai ........

perhney key liye shukrya :rose

Ji bilkul hr insan apni misal app hi hota hai...
u r :welcome: