Ghazal Aur Nazam

[Mirza Ghalib]

Main aik baat poochna chahta hun kay "NAZAM" aur "GHAZAL" main keya farak hota hai?

[zoya]

Re: Ghazal Aur Nazam

app kiya kabhi college nahi gaye jo yeh question pooch raha ho........

[Mirza Ghalib]

Re: Ghazal Aur Nazam

app kiya kabhi college nahi gaye jo yeh question pooch raha ho........

Yehi samajh lein Bibi.
Sawal ka jawab to de dein.

[WASI ANJUM]

Re: Ghazal Aur Nazam

Main aik baat poochna chahta hun kay "NAZAM" aur "GHAZAL" main keya farak hota hai?

Ghazal aur Nazam mein bahot farq hai
GHazal
in 4 per mushtamil hoti hai
(a) radeef
(b) qaafiya
(c) matla'
(d) maqta'

(a) radeef : voh lafz, tarkeeb yaa fiqra hai jo her sher ke doosre misre ke aaKhir meiN laaziman aataa hai.

(b) qaafiya (pl: qavaafee) voh lafz, tarkeeb yaa fiqra jo radeef se foran pehle aataa hai qaafiya kehlaataa hai,

(c) matla': matla' kaa matlab hai :tuloo' yaa shuroo' hone kee jagah:. matla' Ghazal ke pehle sher ko kehte haiN kyoN.k yaheeN se Ghazal kee ibtidaa hotee hai.

(d) maqta'

Jisay ye dekhen ye Ghazal hai


Barson Ke Baad Dekha Ek Shakhs Dilruba Sa
Ab Zehen Men Nahi Hai Par Naam Tha Bhala Sa
Alfaaz The Ke Jugnu Aawaaz Ke Safar Men
Ban Jaaye Jangalon Men Jis Tarah Raasta Sa
Khwabon Men Khwaab Uske Yadon Men Yaad Uski
Neendo Men Ghul Gaya Ho Jaise Ke Ratjaga Sa
Pehle Bhi Log Aaye Kitne Hi Zindagi Men
Wo Har Tarah Se Lekin Auron Se Tha Juda Sa
Tewar The Berukhi Ke Andaaz Dosti Ka
Wo Ajnabi Tha Lekin Lagta Tha Aashna Sa
Kuchh Ye Ke Muddaton Se Hum Bhi Nahi The Roye
Kuchh Zeher Men Bujha Tha Ahabaab Ka Dilasa
Phir Yun Hua Ki Sawan Akhon Men Aa Base The
Phir Yun Hua Ke Jaise Dil Bhi Tha Aablaa Sa
Ab Sach Kahen To Yaron Hum Ko Khabar Nahi Thi
Ban Jayega Qayamat Ek Waqeya Zara Sa..

[WASI ANJUM]

Re: Ghazal Aur Nazam

Aur ye Ek Nazam hai Farq aap khud he dekh lijiye

sahil, rait samaner, lehren,
Basti, jungle, sehra, dariya,
khushboo,mousam,phool dareche,
Badal,suraj,cand, sitare,
Aaj ye sab kuch naam tumhare
khawab ki baaten yaad k qisay
soch k pehloo,neend k lamhe,
Dard k aansoo,chain k nagme,
uraty waqat k behtay dhare,
Aaj ye sab kuch naam tumhare,
Rooh ki aahat,jisam ki junbish,
Khoon ki gardish,saans ki larzish,
aankh ka paani,chaht ka unwan
ye saare, ye sab aaj naam tumhare

[Mirza Ghalib]

Re: Ghazal Aur Nazam

Bohat khood Wasi bhai..... Keya koyi aur bhi farak hota hai?

[WASI ANJUM]

Re: Ghazal Aur Nazam

Aur Ye k Nazam Azad bhi likhi ja sakti hai mager Ghazal mein aisa nahi hai
Ghazal mein Qafiye zaroor milna chahiyen shayed aur bhi bahot farq hain jo hamare dosre poet hazrat aaker aap ko bataingay

[Mirza Ghalib]

Re: Ghazal Aur Nazam

Sure, Wasi bhai. main poori tarah yeh farak samjhna chahta hun.Aaap ka bohat shukriyah.

[RulzZ]

Re: Ghazal Aur Nazam

Main aik baat poochna chahta hun kay "NAZAM" aur "GHAZAL" main keya farak hota hai?

Ghazal "ghain" say aati hai aur nazam "noon" say :fight:

ooy chacha yeh koi section hai aisi bataiN pochnay ka

wesay yeh signature maiN hawai teer kioN chala rahay ho tussi :shyy:

[Silent Tears Sajid]

Re: Ghazal Aur Nazam

Mujhe Bhi Aaj Tak Is Ki Samajh Nahin Aayi :(

[mano_billi]

Re: Ghazal Aur Nazam

Ghazal "ghain" say aati hai aur nazam "noon" say :fight:

ooy chacha yeh koi section hai aisi bataiN pochnay ka

wesay yeh signature maiN hawai teer kioN chala rahay ho tussi :shyy:

Ghazal "G" se likhte hein or Nazm "N" se :shyy:

[Mirza Ghalib]

Re: Ghazal Aur Nazam

poetry main sab barh charh kay hisa letay ho magar koyi Ghazal aur Nzam ka farak nahi bata raha. Sirf Wasi Bhai nay bataya magar main aur bhi farak jan'na chahta hun

[mano_billi]

Re: Ghazal Aur Nazam

poetry main sab barh charh kay hisa letay ho magar koyi Ghazal aur Nzam ka farak nahi bata raha. Sirf Wasi Bhai nay bataya magar main aur bhi farak jan'na chahta hun

mujhe khud nahi pata u ko kia tellu :think: wase

:azadi mubarak:...... :dance5:

[sham-e-mehfil]

Re: Ghazal Aur Nazam

Aur ye Ek Nazam hai Farq aap khud he dekh lijiye

sahil, rait samaner, lehren,
Basti, jungle, sehra, dariya,
khushboo,mousam,phool dareche,
Badal,suraj,cand, sitare,
Aaj ye sab kuch naam tumhare
khawab ki baaten yaad k qisay
soch k pehloo,neend k lamhe,
Dard k aansoo,chain k nagme,
uraty waqat k behtay dhare,
Aaj ye sab kuch naam tumhare,
Rooh ki aahat,jisam ki junbish,
Khoon ki gardish,saans ki larzish,
aankh ka paani,chaht ka unwan
ye saare, ye sab aaj naam tumhare

:SubhanAllhaa::SubhanAllhaa::SubhanAllhaa:

[sham-e-mehfil]

Re: Ghazal Aur Nazam

Barson Ke Baad Dekha Ek Shakhs Dilruba Sa
Ab Zehen Men Nahi Hai Par Naam Tha Bhala Sa
Alfaaz The Ke Jugnu Aawaaz Ke Safar Men
Ban Jaaye Jangalon Men Jis Tarah Raasta Sa
Khwabon Men Khwaab Uske Yadon Men Yaad Uski
Neendo Men Ghul Gaya Ho Jaise Ke Ratjaga Sa
Pehle Bhi Log Aaye Kitne Hi Zindagi Men
Wo Har Tarah Se Lekin Auron Se Tha Juda Sa
Tewar The Berukhi Ke Andaaz Dosti Ka
Wo Ajnabi Tha Lekin Lagta Tha Aashna Sa
Kuchh Ye Ke Muddaton Se Hum Bhi Nahi The Roye
Kuchh Zeher Men Bujha Tha Ahabaab Ka Dilasa
Phir Yun Hua Ki Sawan Akhon Men Aa Base The
Phir Yun Hua Ke Jaise Dil Bhi Tha Aablaa Sa
Ab Sach Kahen To Yaron Hum Ko Khabar Nahi Thi
Ban Jayega Qayamat Ek Waqeya Zara Sa..



bohat hi khoooooooooooooob