Tweet
ایشین کرکٹ کونسل نے اس سال چوبیس جون سے چھ جولائی تک پاکستان میں ہونے والے ایشیا کپ کرکٹ ٹورنامنٹ کے شیڈول کو حتمی شکل دے دی ہے۔
یہ ٹورنامنٹ پہلی مرتبہ پاکستان میں منعقد ہورہا ہے جس کے تیرہ میں سے دس میچز کراچی میں کھیلے جائیں گے جن میں فائنل بھی شامل ہے۔ لاہور تین میچوں کی میزبانی کرے گا۔
ایشین کرکٹ کونسل نے یہ تمام امور جمعرات کو لاہور میں منعقدہ اجلاس میں طے کئے جس کی صدارت اے سی سی کے صدر ارجنا رانا تنگا نے کی۔
ایشین کرکٹ کونسل کے چیف ایگزیکٹیو اشرف الحق نے بی بی سی سے بات کرتے ہوئے کہا کہ پاکستان کرکٹ بورڈ نے سکیورٹی کے ضمن میں ہر ممکن یقین دہانی کرائی ہے جس پر تمام رکن ممالک کو بھروسہ ہے۔
انہوں نے کہا کہ پاکستان میں اس ٹورنامنٹ کے انعقاد سے وہ عالمی کرکٹ کو یہ پیغام دینا چاہتے ہیں کہ ایشیائی ممالک مشکل گھڑی میں ایک دوسرے کے ساتھ ہیں۔
ایشیا کپ کی گروپنگ کے مطابق دفاعی چیمپئن سری لنکا۔ بنگلہ دیش اور متحدہ عرب امارات کی ٹیمیں گروپ اے میں شامل ہیں۔ گروپ بی پاکستان بھارت اور ہانگ کانگ کی ٹیموں پر مشتمل ہوگا۔
ایشیا کپ کے تمام میچز ڈے اینڈ نائٹ ہونگے اور انہیں ون ڈے انٹرنیشنل میچز کا درجہ حاصل ہوگا۔ ان میچز کے لئے امپائرز کا تقرر آئی سی سی جبکہ تھرڈ امپائرز اور ٹی وی امپائرز کی تقرری ایشین کرکٹ کونسل کرےگی۔
اس ایونٹ کی مجموعی انعامی رقم دولاکھ ڈالرز رکھی گئی ہے۔
ایشین کرکٹ کونسل کے صدر ارجنا رانا تنگا جو اسوقت سری لنکن کرکٹ بورڈ کے چیف ایگزیکٹیو بھی ہیں پاکستان کرکٹ بورڈ کے چیئرمین ڈاکٹر نسیم اشرف سے آئندہ ماہ پاکستان سری لنکا مجوزہ ایک روزہ سیریز پر بھی بات کی ہے۔ رانا تنگا کا کہنا ہے کہ اگر پاکستان کرکٹ بورڈ نے درخواست کی تو سری لنکا اپنی ٹیم ضرور پاکستان بھیجے گا۔ اطلاعات یہ ہیں کہ سری لنکا کی ٹیم اپریل کے آخر میں ایک روزہ سیریز کھیلنے پاکستان آئے گی۔
بنگلہ دیش نے پہلے ہی پاکستان سے ون ڈے سیریز کھیلنے پر رضامندی ظاہر کردی ہے۔
یہ ٹورنامنٹ پہلی مرتبہ پاکستان میں منعقد ہورہا ہے جس کے تیرہ میں سے دس میچز کراچی میں کھیلے جائیں گے جن میں فائنل بھی شامل ہے۔ لاہور تین میچوں کی میزبانی کرے گا۔
ایشین کرکٹ کونسل نے یہ تمام امور جمعرات کو لاہور میں منعقدہ اجلاس میں طے کئے جس کی صدارت اے سی سی کے صدر ارجنا رانا تنگا نے کی۔
ایشین کرکٹ کونسل کے چیف ایگزیکٹیو اشرف الحق نے بی بی سی سے بات کرتے ہوئے کہا کہ پاکستان کرکٹ بورڈ نے سکیورٹی کے ضمن میں ہر ممکن یقین دہانی کرائی ہے جس پر تمام رکن ممالک کو بھروسہ ہے۔
انہوں نے کہا کہ پاکستان میں اس ٹورنامنٹ کے انعقاد سے وہ عالمی کرکٹ کو یہ پیغام دینا چاہتے ہیں کہ ایشیائی ممالک مشکل گھڑی میں ایک دوسرے کے ساتھ ہیں۔
ایشیا کپ کی گروپنگ کے مطابق دفاعی چیمپئن سری لنکا۔ بنگلہ دیش اور متحدہ عرب امارات کی ٹیمیں گروپ اے میں شامل ہیں۔ گروپ بی پاکستان بھارت اور ہانگ کانگ کی ٹیموں پر مشتمل ہوگا۔
ایشیا کپ کے تمام میچز ڈے اینڈ نائٹ ہونگے اور انہیں ون ڈے انٹرنیشنل میچز کا درجہ حاصل ہوگا۔ ان میچز کے لئے امپائرز کا تقرر آئی سی سی جبکہ تھرڈ امپائرز اور ٹی وی امپائرز کی تقرری ایشین کرکٹ کونسل کرےگی۔
اس ایونٹ کی مجموعی انعامی رقم دولاکھ ڈالرز رکھی گئی ہے۔
ایشین کرکٹ کونسل کے صدر ارجنا رانا تنگا جو اسوقت سری لنکن کرکٹ بورڈ کے چیف ایگزیکٹیو بھی ہیں پاکستان کرکٹ بورڈ کے چیئرمین ڈاکٹر نسیم اشرف سے آئندہ ماہ پاکستان سری لنکا مجوزہ ایک روزہ سیریز پر بھی بات کی ہے۔ رانا تنگا کا کہنا ہے کہ اگر پاکستان کرکٹ بورڈ نے درخواست کی تو سری لنکا اپنی ٹیم ضرور پاکستان بھیجے گا۔ اطلاعات یہ ہیں کہ سری لنکا کی ٹیم اپریل کے آخر میں ایک روزہ سیریز کھیلنے پاکستان آئے گی۔
بنگلہ دیش نے پہلے ہی پاکستان سے ون ڈے سیریز کھیلنے پر رضامندی ظاہر کردی ہے۔
Comment