Tweet
ماہرین طب کے مطابق آلو کے چپس انسان کو موٹاپے میں مبتلا کرسکتے ہیں مگر جدید تحقیق کے مطابق آلو کے موٹے اور بڑے بڑے چپس انسان کو موٹاہونے کی بجائے سمارٹ بناتے ہیں۔ فوڈ اسٹینڈرڈ ایجنسی کی اس تحقیق میں بتایا گیا ہے کہ باریک چپس زیادہ چکنائی جذب کرتے ہیں جبکہ موٹے چپس خوردنی تیل کی کم مقدار اپنے اندر جذب کرتے ہیں۔ دنیا بھر میں مقبول آلو کے چپسوں پر مبنی غذاﺅں میں باریک چپس کے استعمال کو ماہرین طب نے خطرناک قرار دےدیا ہے۔ ماہرین طب نے کہاہے کہ آلو بذات خود موٹاپے کےلئے اتنا خطرناک نہیں ہوتا مگر اس کو تلنے کے بعد اور اس عمل کے دوران مختلف کیمیاوی تبدیلیاں اس کو کیلوریز کو بڑھانے کے عمل سے گزارتی ہیں جس سے یہ موٹاپے کے عمل کو تیز کردیتا ہے۔ اس تحقیق میں آلو کے چپس کے ساتھ استعمال ہونے والی دیگر غذاﺅں کے استعمال کو بھی موٹاپے کا باعث قرار دیا گیا۔
Comment