Tweet
ڈنمارک کے حفیہ اداروں نے خبردار کیا ہے کہ مسلمانوں کے مذہبی جذبات کو مجروح کرنے والے خاکوں کی دوبارہ اشاعت کے بعد ڈنمارک میں حملوں اور دنیابھر میں اس کے مفادات کو نشانہ بنانے کا خطرہ بڑھ گیا ہے۔ ڈنمارک کی انٹیلی جنس اینڈ سیکورٹی سروس نے اپنی رپورٹ میں کہا ہے کہ خاکوں کی دوبارہ اشاعت سے کئی ممالک میں ڈنمارک کے خلاف نفرت میں اضافہ ہوا ہے۔ اس کے نتیجے میں نہ صرف ڈنمارک میں حملوں کا خطرہ بڑھ گیا ہے بلکہ دنیا بھر میں موجود ڈنمارک کے شہریوں اور مفادات کو نشانہ بنانے کیلئے خطرات میں بھی اضافہ ہوگیا ہے۔ واضح رہے کہ ڈنمارک کے اخبارات میں گستاخانہ خاکوں کی دوبارہ اشاعت کی ناپاک اشاعت کے بعد پاکستان سمیت دنیا بھر میں ڈنمارک کے خلاف احتجاجی مظاہروں کا سلسلہ شروع ہوگیا تھا۔
Comment