Tweet
وکی پیڈیا کا جعلی پروفیسر ریٹائر
رضاکار ویب سائٹ کے ہزاروں مضامین لکھتے اور مرتب کرتے ہیں
انٹرنیٹ ویب سائٹ وکی پیڈیا ایک تنازعے کا شکار ہوگیا ہے کیونکہ اس بات کا انکشاف ہوا ہے کہ اس کا ایک نامور ایڈیٹرغلط شناخت اور پی ایچ ڈی کی جعلی ڈگری کے تحت کام کرتے رہے ہیں۔
ویب سائٹ پر اس ایڈیٹر کا نام ایس جے بتایا تھا جوخود کو ایک پرائیویٹ یونیورسٹی میں دینیات کا پروفیسر ظاہر کرتے رہے لیکن اصل میں وہ ریاستِ کنٹکی سے تعلق رکھنے والے چوبیس سالہ طالبعلم ریان جارڈن ہیں۔ وہ اب ویب سائٹ سے ریٹائر ہوگئے ہیں۔
وکی پیڈیا ہر ایک کو دستیاب ہونے والا انسائیکلو پیڈیا ہے جو دنیا بھر میں موجود رضا کاروں کی طرف سے لکھا گیا ہے۔
ایس جے کے نام سے ریان جارڈن نہ صرف مضامین مرتب کر تے تھے بلکہ انکو یہ اختیار بھی حاصل تھا کہ وہ مصنفین کے درمیان پائے جانے والے اختلافات کو ختم کرنے کے لیے بطور ثالث کردار ادا کر یں اور ویب سائٹ کو پہنچنے والے نقصانات کا ازالہ بھی کر یں۔
انکی حقیقی شناخت گزشتہ ہفتے اس وقت سامنے آئی جب میگزین نے اپنے ایک اداریے میں دھوکہ دہی کا ذکر کیا۔
اگلے ہی دن جارڈن نے ویب سائٹ سے اپنے ریٹائر منٹ کا اعلان کردیا۔
Comment