Ahadith - Ramadhan special

[.]

Re: Ahadith - Ramadhan special

حضرت ابو ہریرہؓ سے روایت ہے کہ رسول اﷲﷺ نے ایک شخص کو ’’قل ھو اﷲ احد‘‘ پڑھتے ہوئے سنا تو آپﷺ نے فرمایا:’’اس کے لئے واجب ہو گئی ہے ‘‘ میں نے عرض کیا: ’یا رسول اﷲ! کیا چیز واجب ہو گئی؟‘ آپﷺ نے فرمایا:’’جنت‘‘۔ (موطا امام مالک، جامع ترمذی، سنن نسائی)

[.]

Re: Ahadith - Ramadhan special

حضرت نعمان بن بشیرؓ سے روایت ہے کہ رسول اﷲﷺ نے فرمایا:’’دُعا عین عبادت ہے۔‘‘ اس کے بعد آپﷺ نے فرمایا: دُعاعین عبادت ہے۔‘‘ اس کے بعد آپﷺ نے سند کے طور پر یہ آیت پڑھی:’’وَقَالَ رَبُّکُمُ ادْعُوْنِیْ الخ‘‘ تمہارے رب کا فرمان ہے کہ مجھ سے دُعا کرو اور مانگو۔میں قبول کروں گا اور تم کو دوں گا۔ جو لوگ میری عبادت سے متکبرانہ روگردانی کریں گے۔ انہیں ذلیل و خوار ہو کر جہنم میں جانا ہو گا۔ (مسند احمد، جامع ترمذی، سنن ابن داؤد، سنن نسائی، سنن ابن ماجہ)

[.]

Re: Ahadith - Ramadhan special

حضرت انسؓ سے روایت ہے کہ رسول اﷲﷺ نے فرمایا ’’دعا عبادت کا مغز اور جوہر ہے۔‘‘ ( ترمذی) ایک دوسری حدیث میں حضرت ابو ہریرہؓ سے روایت ہے کہ رسول اﷲﷺ نے فرمایا کہ:’’اﷲ کے یہاں کوئی چیز اور کوئی عمل دعا سے زیادہ عزیز نہیں۔ (جامع ترمذی، سنن ابن ماجہ)

[.]

Re: Ahadith - Ramadhan special

جو کوئی یہ چاہے کہ پریشانیوں اور تنگیوں کے وقت اﷲ تعالیٰ اس کی دعا قبول فرمائے، تو اس کے چاہئے کہ عافیت اور خوش حالی کے زمانہ میں دعا زیادہ کرے۔ (جامع ترمذی)

[.]

Re: Ahadith - Ramadhan special

حضرت جابرؓ راوی ہیں کہ نبیﷺ نے فرمایا: ’’تم کبھی اپنے حق میں یا اپنی اولاد اور مال و جائیداد کے حق میں بد دعا نہ کرو۔ مبادا وہ وقت دعا کی قبولیت کا ہو اور تمہاری وہ دعا اﷲ تعالیٰ قبول فرمالے۔ (صحیح مسلم)

[.]

Re: Ahadith - Ramadhan special

سائب بن یزید تابعی اپنے والد یزید بن سعید بن ثمامہؓ سے روایت کرتے ہیں کہ رسول اﷲﷺ کا دستور تھا کہ جب آپﷺ ہاتھ اُٹھا کے دُعا مانگتے تو آخر میں اپنے ہاتھوں کو چہرۂ مبارک پر پھیر لیتے تھے۔ (سنن ابی داؤد، دعوات کبیر للبیہقی)

[.]

Re: Ahadith - Ramadhan special

حضرت مسلم بن الحارثؓ سے روایت یہ کہ رسول اﷲﷺ نے ان کو خصوصیت کے ساتھ تلقین فرمائی کہ جب تم مغرب کی نماز ختم کرو تو کسی آدمی سے بات کرنے سے پہلے سات دفعہ یہ دعا کرو:’’اللّٰھُمَّ اَجِرْنِیْ مِنَ النَّار‘‘ (اے اﷲ! مجھے دوزخ سے پناہ دے )تم نے مغرب کے بعد اگر یہ دعا کی اور اسی رات میں تم کو موت آ گئی تو دوزخ سے تمہارے بچاؤ کا فیصلہ کر دیا جائے گا۔ اسی طرح جب تم صبح کی نماز پڑھو تو کسی آدمی سے بات کرنے سے پہلے ساتھ دفعہ اﷲ کے حضور میں عرض کرو ’’اَللّٰھُمَّ اَجِرْنِیْ مِنَ النَّارِ‘‘ اگر اُس دن تمہاری موت مقدر ہوئی تو اﷲ تعالیٰ کی طرف سے تم کو دوزخ سے بچانے کا حکم ہو جائے گا۔ (سنن ابی داؤد)

[.]

Re: Ahadith - Ramadhan special

حضرت عبداﷲ بن عباسؓ سے روایت ہے کہ رسول اﷲﷺ نے فرمایا کہ: ’’جو کوئی سورۂ روم کی یہ تین آیتیں صبح ہونے پر تلاوت کرے وہ اس دن کی ساری خیر اور برکتیں پالے گا جو اس سے فوت ہوئی ہوں گی۔ اور اسی طرح جو کوئی شام آنے پر یہ تین آیتیں تلاوت کرے وہ اس رات کی وہ ساری خیر و برکت پالے گا جو اس سے فوت ہوئی ہوں گی۔ وہ آیات یہ ہیں :اﷲ کی پاکی بیان کرو جب تمہارے لئے صبح ہو اور جب شام آئے۔ اور زمین و آسمان میں ہر وقت اس کی حمد و ثناء ہوتی ہے۔ اور چوتھے پہر اور دوپہر کے وقت بھی اس کی پاکی بیان کرو، وہی قادرِ مطلق زندہ کو مَردہ سے اور مُردہ کو زندہ سے برآمد کرتا ہے اور زمین پر مرد گی طاری ہو جانے کے بعد اپنی رحمت سے اسے حیاتِ تازہ بخشتا ہے۔ اور تم بھی اسی طرح مَرنے کے بعد زندہ کر دیئے جاؤ گے۔ (سنن ابی داؤد)

[.]

Re: Ahadith - Ramadhan special

حضرت عبداﷲ بن خبیبؓ سے روایت ہے کہ رسول اﷲﷺ نے مجھ سے فرمایا: ’’شام کو اور صبح کو یعنی دن شروع ہونے پر اور رات شروع ہونے پر تم قل ھو اﷲ احد اور قل اعوذ برب الفلق ’قل اعوذ برب الناس تین بار پڑھ لیا کرو۔ یہ ہر چیز کے واسطے تمہارے لئے کافی ہوں گی۔ (سنن ابی داؤد)

[.]

Re: Ahadith - Ramadhan special

حضرت انسؓ سے روایت ہے کہ رسول اﷲﷺ نے فرمایا جب کوئی آدمی اپنے گھر سے نکلے اور نکلتے وقت کہے :’’بِسْمِ اﷲِ تَوَکَّلْتُ عَلَی اﷲِٗ لَا حَوْلَ وَلَا قُوَّۃَ اِلَّا بِاﷲ۔‘‘ تو عالمِ غیب میں اس آدمی سے کہا جاتا ہے :’’اﷲ کے بندے تیرا یہ عرض کرنا تیرے لئے کافی ہے۔ تجھے پوری رہنمائی مل گئی اور تیری حفاظت کا فیصلہ ہو گیا۔‘‘ اور شیطان مایوس و نامراد ہو کر اس سے دور ہو جاتا ہے۔ (جامع ترمذی و سنن ابی داؤد)

[.]

Re: Ahadith - Ramadhan special

حضرت عبداﷲ بن عمرو بن عاصؓ سے روایت ہے کہ رسول اﷲﷺ نے ہدایت فرمائی کہ:’’جب تم میں سے کوئی کسی عورت کو اپنے نکاح میں لائے اور بیوی بنائے یا خدمت کے لئے غلام یا باندی خریدے تو یہ دعا کرے :’’اَللّٰھُمَّ اِنِّیْ اَسْئَلُکَ تاوَشَرِّمَا جَبَلْتَھَا عَلَیْہِ۔‘‘ (اے اﷲ! اس میں اور اس کی فطرت میں جو خیر اور بھلائی ہو، میں تجھ سے اس کی استدعا کرتا ہوں اور اس میں اور اس کی فطرت میں جو شر اور برائی ہو اس سے تیری پناہ مانگتا ہوں۔ (ابو داؤد، ابن ماجہ)

[.]

Re: Ahadith - Ramadhan special

اُم المومنین حضرت عائشہ صدیقہؓ نے رسول اﷲﷺ سے یہ دعا روایت کی ہے :اَللّٰھُمَّ اجْعَلْ تا وَاِنْقِطَاعِ عُمُرِیْ۔اے اﷲ! میرے بڑھاپے کے دنوں میں اور میری عمر کے آخری حصے میں میری روزی میں زیادہ سے زیادہ وسعت فرما۔ (مستدرک حکم)

[.]

Re: Ahadith - Ramadhan special

حضرت عبادہ بن صامتؓ سے روایت ہے کہ رسول اﷲﷺ نے فرمایا: جو بندہ عام ایمان والوں اور ایمان والیوں کے لئے اﷲ تعالیٰ سے مغفرت مانگے گا اس کے لئے ہر مومن مرد و عورت کے حساب سے ایک ایک نیکی لکھی جائے گی۔ (معجم کبیر للطبرانی)

[.]

Re: Ahadith - Ramadhan special

حضرت انسؓ سے روایت ہے کہ رسول اﷲﷺ نے ارشاد فرمایا: جو بندہ مجھ پر ایک صلوٰۃ بھیجے اﷲ تعالیٰ اس پر دس صلوٰاتیں بھیجتا ہے اور اس کی دس خطائیں معاف کر دی جاتی ہیں اور اس کے دس درجے بلند کر دئیے جاتے ہیں۔ (سنن نسائی)

[.]

Re: Ahadith - Ramadhan special

حضرت عبداﷲ بن مسعودؓ سے روایت ہے کہ رسول اﷲﷺ نے فرمایا: قیامت کے دن مجھ سے قریب ترین اور مجھ پر زیادہ حق رکھنے والا میرا وہ اُمتی ہو گا جو مجھ پر زیادہ صلوٰۃ بھیجنے والا ہو گا۔ (جامع ترمذی)