Ahadith - Ramadhan special

[.]

Assalamalikum

Ramadhan ki is special Activity main rozana ahdees share kia karian ..jitni chahian kar saktaye hain :rose
kushish karian hawala zaror ho :thmbup:

[.]

Re: Ahadith - Ramadhan special

حضرت ابو الدرداءؓ راوی ہیں کہ رسول اﷲﷺ نے ارشاد فرمایا: قیامت کے دن مومن کی میزانِ عمل میں سب سے زیادہ وزنی اور بھاری چیز جو رکھی جائے گی وہ اُس کے اچھے اخلاق ہوں گے۔ (ابو داؤد، ترمذی)

[.]

Re: Ahadith - Ramadhan special

حضرت عائشہ صدیقہؓ راوی ہیں کہ نبیﷺ نے فرمایا: صاحبِ ایمان بندہ اپنے اچھے اخلاق سے اُن لوگوں کا درجہ حاصل کر لیتا ہے جو رات بھر نفلی نمازیں پڑھتے ہوں اور دن کو ہمیشہ روزہ رکھتے ہوں۔ (ابوداؤد)

[.]

Re: Ahadith - Ramadhan special

حضرت عبداﷲ بن عمرو بن عاصؓ سے روایت ہے کہ رسول اﷲﷺ نے ارشاد فرمایا کہ رحم کرنے والوں اور ترس کھانے والوں پر بڑی رحمت والا اللہ رحم کرے گا۔ تم زمین پر رہنے والی مخلوق پر رحم کرو تو آسمان والا تم پر رحم کرے گا۔ (سنن ابی داؤد،ترمذی)

[.]

Re: Ahadith - Ramadhan special

حضرت عبداﷲ بن مسعودؓ کے صاحبزادے عبدالرحمٰن اپنے والد ماجدسے روایت کرتے ہیں کہ ایک سفر میں ہم نبیﷺ کے ساتھ تھے کہ ہماری نظر ایک سرخ چڑیا پر پڑی جس کے ساتھ چھوٹے چھوٹے اُس کے دو بچے بھی تھے۔ ہم نے اُن بچوں کو پکڑ لیا تو وہ چڑیا ہمارے سروں پر منڈلانے لگی۔ یہ دیکھ کر آپﷺ نے فرمایا: کس نے اس کے بچے پکڑ کے اسے ستایا ہے ؟ اس کے بچے اس کو واپس کر دو۔(سنن ابو داؤد)

[.]

Re: Ahadith - Ramadhan special

حضرت ابو ہریرہؓ سے روایت ہے کہ رسول اﷲﷺ نے فرمایا سخی بندہ اﷲ سے قریب اور اﷲ کے بندوں سے بھی قریب ہے۔ایسا شخص جنت سے قریب اور دوزخ سے دور ہے۔ اس کے برعکس کنجوس آدمی اﷲ سے دور اور اﷲ کے بندوں سے بھی دور ہے۔ایسا شخص جنت سے دور اور دوزخ سے قریب ہے۔ بلاشبہ ایک سخی آدمی اﷲ تعالیٰ کو عبادت گذار کنجوس سے زیادہ پیارا ہوتا ہے۔ (جامع ترمذی)

[.]

Re: Ahadith - Ramadhan special

حضرت ابو ہریرہؓ سے روایت ہے کہ رسول اﷲﷺ نے فرمایا: حرص و بخل اور ا یمان کبھی ایک دل میں جمع نہیں ہو سکتے۔ (سنن نسائی)

[.]

Re: Ahadith - Ramadhan special

حضرت عبداﷲ بن عمرؓ سے روایت ہے کہ ایک شخص رسول اﷲﷺ کی خدمت میں حاضر ہوا اور عرض کیا: یا رسول اﷲ! میں اپنے خادم کا قصور کتنی دفعہ معاف کروں ؟ آپ نے اُسے کوئی جواب نہیں دیا اور خاموش رہے۔ اُس نے اپنا سوال پھر دُہرایا تو آپﷺ نے ارشاد فرمایا ہر روز ستر دفعہ۔ ( ترمذی)

[.]

Re: Ahadith - Ramadhan special

حضرت جابرؓ سے روایت ہے کہ نبیﷺ نے فرمایا تم حسن سلوک کی کسی قسم کو بھی حقیر مت سمجھو۔اِس کی ایک صورت یہ بھی ہے کہ تم اپنے بھائی سے شگفتہ روئی کے ساتھ ملو اور یہ بھی کہ تم اپنے ڈول سے اپنے بھائی کے برتن میں پانی ڈال دو۔ (جامع ترمذی)

[.]

Re: Ahadith - Ramadhan special

حضرت ابو ہریرہؓ رسول اﷲﷺ سے روایت کرتے ہیں کہ ایک شخص دوسری بستی میں رہنے والے اپنے ایک بھائی سے ملاقات کے لیے چلا تو اﷲ تعالیٰ نے اس کی راہ گذر پر ایک فرشتہ کو منتظر بنا کے بٹھا دیا۔ فرشتہ کے پوچھنے پراُس نے کہا کہ میں اپنے ایک بھائی سے ملنے جا رہا ہوں۔ فرشتہ نے پوچھا کیا اُس کا تم پر کوئی احسان ہے جس کو تم پورا کرنے کے لئے جا رہے ہو۔ اُس بندہ نے کہا نہیں۔میرے جانے کا باعث اس کے سوا کچھ نہیں ہے کہ اﷲ کے لئے مجھے اس بھائی سے محبت ہے۔ تب فرشتہ نے کہا کہ مجھے اﷲ تعالیٰ نے تمہارے پاس یہ بتانے کے لئے بھیجا ہے کہ اﷲ تم سے محبت کرتا ہے، جیسا کہ تم اﷲ کے لئے اُس کے بندہ سے محبت کرتے ہو۔ (صحیح مسلم)

[.]

Re: Ahadith - Ramadhan special

حضرت ابو ہریرہؓ سے روایت ہے کہ رسول اﷲﷺ نے ارشاد فرمایا کہ تم دوسروں کے متعلق بدگمانی سے بچو، کیونکہ بدگمانی سب سے جھوٹی بات ہے۔ تم کسی کی کمزوریوں کی ٹوہ میں نہ رہا کرو اور جاسوسوں کی طرح راز دارانہ طریقے سے کسی کے عیب معلوم کرنے کی کوشش بھی نہ کیا کرو۔ نہ ایک دوسرے سے بڑھنے کی بے جاہوس کرو، نہ آپس میں حسد کرو۔ نہ بغض و کینہ رکھو اور نہ ایک دوسرے سے منہ پھیرو۔ بلکہ اے اﷲ کے بندو! اﷲ کے حکم کے مطابق بھائی بھائی بن کر رہو۔ ( مسلم)

[.]

Re: Ahadith - Ramadhan special

حضرت عبداﷲ بن عمرؓ کہتے ہیں کہ ایک مرتبہ رسول اﷲﷺ منبر پر چڑھے اور آپؐ نے بلند آواز سے پکارا: اے وہ لوگو جو زبان سے اسلام لائے ہو اور اُن کے دلوں میں ابھی ایمان پوری طرح اترا نہیں ہے۔ مسلمان بندوں کو ستانے، اُن کو شرمندہ کرنے اور اُن کے چھپے ہوئے عیبوں کے پیچھے پڑنے سے باز رہو۔ کیونکہ اﷲ کا قانون ہے کہ جو کوئی اپنے مسلمان بھائی کے چھپے عیبوں کے پیچھے پڑے گا اور اس کو رسوا کرنا چاہے گا تو اﷲ تعالیٰ اُس کے عیوب کے پیچھے پڑے گا۔ اور جس کے عیوب کے پیچھے اﷲ تعالیٰ پڑے گا وہ اس کو ضرور رسوا کرے گا اگرچہ اپنے گھر کے اندر ہی ہو۔ (جامع ترمذی)

[.]

Re: Ahadith - Ramadhan special

حضرت ابو ہریرہؓ سے روایت ہے کہ ہر ہفتہ میں دو دن سوموار اور جمعرات کو لوگوں کے اعمال پیش ہوتے ہیں تو ہر بندۂ مومن کی معافی کا فیصلہ کر دیا جاتا ہے۔ سوائے اُن دو آدمیوں کے جو ایک دوسرے سے کینہ رکھتے ہوں۔ اُن کے بارے میں حکم ہوتا ہے کہ ان دونوں کے معاملہ کو روکے رکھو جب تک کہ یہ آپس کے اس کینہ اور باہم دشمنی سے باز نہ آ جائیں اور دلوں کو صاف نہ کر لیں۔ (صحیح مسلم)

[.]

Re: Ahadith - Ramadhan special

حضرت ابوموسیٰ رضی اللہ عنہٗ روایت کرتے ہیں کہ صحابہ رضی اللہ عنہم نے عرض کیا: یارسول اللہﷺ کون سے مسلمان کا اسلام افضل ہے؟ ارشاد فرمایا: جس(مسلمان) کی زبان اور ہاتھ سے دوسرے مسلمان محفوظ رہیں۔ (بخاری)

[.]

Re: Ahadith - Ramadhan special

ترجمہ : حضرت واثلہ ابن الاسقع ؓ سے روایت ہے کہ رسول اﷲﷺ نے فرمایا: تم اپنے کسی بھائی کی مصیبت پر خوشی کا اظہار مت کرو۔اگر تم ایسا کرو گے تو ہو سکتا ہے کہ اﷲ اُس کو اِس مصیبت سے نجات دے دے اور تمہیں اس میں مبتلا کر دے۔ ( ترمذی)