پنجابی کالم

[saraah]

[Baniaz Khan]

Re: پنجابی کالم

ہا ہا ہا ہا

ساریاں گلاں ای چنگیاں تے سچیاں نے

تہاڈی مہربانی

[Nadia khan]

Re: پنجابی کالم

بہت ہی چنگی شئیرنگ
تسی شئیر کیتی
خوش رہو ڈئیر

[saraah]

Re: پنجابی کالم

عمران خان دی سیاسی تقدیر پلٹن والے مینار پاکستان دے جلسے مگروں اوتھے اکٹھ کرنا سیاسی سند لین لئی ضروری سمجھیا جان لگ پیا ہے۔ ایہو سوچ کے حافظ سعید احمد دی جماعت الدعوی نے پورے جہادی پربندھاں نال پچھلی اتوار دے دیہاڑے اوسے مینار ہیٹھاں دفاع پاکستان دا مجمع لایا۔ شہر دی ہر سڑک تے لگے وڈھے وڈھے پوسٹر تے برقی اشتہار مونہوں بولدے پئے سن جو ایس جلسے دا انتظام کرن والی ستھ فوجی ڈھنگ دی سکھلائی وچ ڈھلی ہوئی ہے ۔ ایس دفاع پاکستان دے جلسے وچ اوہ سارے داڑھیاں والے تے مچھ منڈے سن جیہڑے کابل توں لے کے دلی تک سلافی اسلام دے جھنڈے گڈنا چاہندے ہین۔ اہناں سلافی جہادیاں وچ مستند مولوی وی سن تے سوٹاں بوٹاں وچ جرنیلاں دی نسلی تے سیاسی اولاد وی۔

ایہہ اکٹھ کامیاب وی سی تے نہیں وی سی۔ سٹھ ستّر لکھ دا مجمع اکٹھا کر لینا کامیابی سی پر ایس نال شہر وچ کوئی عمران خان دے جلسے ورگی تھرتھلی نہیں پئی۔ اینی اشتہار بازی مگروں وی چھڑے مدرسیاں دیاں پڑھیاراں تے خاص ٹھپے لگے جہادی بندیاں نوں جوڑ لینا کوئی وڈی گل نہیں سی۔ ایس توں وکھ ایہہ اکٹھ کسے دا دھیان اپنے ول نہ کھچ سکیا۔ ایس جلسے توں بعد کسے نے جہادیاں نال رلن دا اعلان وی نہیں کیتا۔ ہاں اوس دن توں شہر وچ کجھ رکشیاں دے پچھے ایہہ ضرور لکھیا دسدا ہے جو ہندوستاں ساڈا وڈا دشمن ہے۔

ایہہ کہیا جا سکدا ہے کہ ایس اکٹھ دا اک وڈا مقصد ہندوستان نال بیوپار ول ودھن توں روکن لئی دبا پاونا ہے۔ ایہہ گل تے پکی ہے جو ہندوستان نوں "موسٹ فیورڈ نیشن " دا درجہ فوج دے کہن تے ہی دتا گیا ہووے گا کیوں جو اجکل سیاسی حکومت دا خارجہ پالیسی نال کوئی لین دین نہیں ہے۔ باہردے ملکاں نال نبڑن دا ہر فیصلہ فوج آپ ہی کردی ہے۔ دفاع پاکستان دے جلسے دا وڈھا مقصد ایہہ سی جو ہندوستان نوں دشمن نمبر اک توں تھلے نہ آون دتا جاوے ۔ ایس دا مطلب ہے جو یا تے فوج دے اپنے اندر ہندوستان دے مسئلے تے پاڑ ہے یا پھیر جہادی ستھاں فوج نال نواں لین دین کر رہیاں ہین۔ ایہہ وی ہے جو فوج دا معاشی لابھ کہندا ہے جو ہندوستان نال بیوپار کرو تے اوہدی سیاست کہندی ہے اوس نال کھینہدے رہو۔ایہہ پاڑ چھیتی مکدا نظر نہیں آوندا۔

جہادیاں دا ایہہ اکٹھ اوس دوڑ دا وی حصہ سی جیہڑی سیاسی پارٹیاں وچ فوج دی نیڑتا لئی لگی ہوئی ہے۔ ایہہ دوڑ عمران خان دی ودھدی لوک مانتا نال ہور وی تیز ہوئی ہے۔ کیوں جے بہت سارے سیاسی پنڈت روز دسدے ہین جو خاں صاحب دا سارا پربندھ فوج تے اوسدیاں ایجنسیاں کردیاں ہین۔ خورے میاں صاحب دے دماغ وچ وی ایہو گل سی جو اوہناں میمو گیٹ دی پٹیشن سپریم کورٹ وچ داخل کروا دتی۔ شاید اوہ فوج نوں سنیہا دینا چاہندے سن جو اوہ وی فوج دے مفاداں دی رکھیا کر سکدے ہین تے ایس لئی عمران خان ورگا نواں گھوڑا پالن دی لوڑ نہیں ہے۔ کجھ افواہاں اجیہاں وی سن جو ایہہ پٹیشن عمراں خان ہوریں کر رہے سن تے میاں صاحب اوہناں توں اگے رہن لئی دوڑ لا دتی۔

اجکل میمو گیٹ دوالے گھمدی سیاست توں ایہہ تے صاف نتر رہیا ہے جو فوج اک مقدس گاں ہے ۔ کوئی سیاسی لیڈر یا پارٹی اوس دے سامنے کُسک وی نہیں سکدی۔ فوج نے امریکہ تے ہندوستان نوں وی چانن کر دتا ہے کہ جے اوہناں پاکستان نال واہ ورتن رکھنا ہے تے اوہ چھڑی فوج راہیں ہو سکدا ہے۔ سیاسی حکومتاں نال کیتی گل بات دے بھیڑے سٹے ہی نکلن گے۔ کیری لوگر بل توں لیکے میمو گیٹ تائیں فوج نے میڈیا تے ہور چالاں راہیں سیاسی پارٹیاں نوں کن کر دتے ہین جو فوج دے مفاداں بارے سوال چُکنا مہنگا سودا ہو سکدا ہے۔ حسین حقانی تے آصف زرداری نوں مثالی سزا دوان دا ایہو مطلب ہے نہیں تے نہ تے میمو وچ کوئی ایڈی وڈی گل سی تے نہ ہی اوس دا لکھن والا منصور اعجاز کوئی اعتبار لائق بندہ سی۔

انج تے ساریاں سیاسی پارٹیاں ہی فوج نوں خوش کرن دی دوڑ وچ لگیاں ہویاں نیں پر ایس توں ود ھ ق لیگ، ن لیگ تے پیپلز پارٹی نوں چھڈ کے تحریک انصاف وچ رلن لئی وی اور سپیڈنگ ہو رہی ہے۔ جے کر عمران خان دی گیند انج ہی سونگ کردی رہی تے ق لیگ تے پیپلز پارٹی دے نال نال ن لیگ دی وکٹ وی خطرے وچ آجاوے گی۔ ایہو وجہ ہے جو میاں نواز شریف ہوراں نوں الیکشن کروان دی کاہلی پے گئی ہے۔ ہر لنگھدے دن نال عمران خان نویں نسل دے نال نال لوکاں وچ وی دھسدے جا رہے ہین پر اجے تیکر اوہناں دی سیاسی ہوا پنڈاں تیکر نہیں پجی۔ جے خان صاحب نوں پندرہ سولاں مہینے مل گئے تے اوہ پنڈا تائیں وی پُج جاون گے تے شاید میاں صاحب دی وزیر اعظم دی واری کھنج جاوے۔

ریاست وچ اصلی مک مکا کرن والیاں ہن فیصلہ ایہہ کرنا ہے جو اوہناں دی عمران خان نال چنگی نبھ سکدی ہے یا میاں نواز شریف نال۔ پیپلز پارٹی نوں وی سوچنا ہے کیس نوں حکومت دیون وچ اوس دا گھٹ خسارہ ہے۔ جے پیپلز پارٹی نے چھیتی الیکشن کروا دتے تے میاں صاحب دا کم بن جاوے گا تے جے اوس گل سال تیکر لمکائی رکھی تے پھیر عمران خان دی وی گل بن سکدی ہے۔ اُنج اصلی تے وڈھا فیصلہ کرن والے عمران خان دی ودھدی مانتا توں ڈر وی رہے ہوون گے کیوں اوہناں دی اج تیکر لوکائی والے لیڈر نال بنی نہیں ہے۔ عمران خان وی دغا دے سکدے ہین ایس لئی دفاع پاکستان والے جہادیاں نوں وی مینار پاکستان تے اکٹھا کرکے تازہ رکھیا جا رہیا ہے۔ ایہہ اوہناں لئی ترپ دے پتے ہیں جنہاں نوں کسے وی ملک دے خلاف کسے ویلے وی ورتیا جا سکدا ہے


ڈاکٹر منظور اعجاز

December 21st, 2011

[Jamil Akhter]

Re: پنجابی کالم

سارے مسٹنڈے سیاست وچ ورے نیں انا نوں ووٹ دے بدلے چھتر دینڈے چائے دے نے
:hoha: