Tweet
دھرتی نوں اسمان بناوے عشق دی ایہہ تاثیر
عاشق کہن امام رانجھے نوں ، ہیر اے معشوقاں دی پیر
عاشق کہن امام رانجھے نوں ، ہیر اے معشوقاں دی پیر
ایہہ جیون اک سُندر سُفنہ ، ادھے راہ چ مُک جاندا اے
عمر بچاری رو رو لبھدی خواباں دی تعبیر
عمر بچاری رو رو لبھدی خواباں دی تعبیر
میں ہساں تے دھرتی ہسے ، روواں تے رووے اسمان
میں ہاں قادر ، قدرت میری ، میں اپنی تقدیر
میں ہاں قادر ، قدرت میری ، میں اپنی تقدیر
عشق ہے اپنا آپے کعبہ ، عشق قرآن حدیث
عشق "انا اللہ" ، اللہ اللہ ! کون عشق دا پیر
عشق "انا اللہ" ، اللہ اللہ ! کون عشق دا پیر
عشق فرید تھلاں دا راہی رو رو عمر گزراے
عشق ہری اے ہرہر اندر ، عشق اے بھگت کبیر
عشق ہری اے ہرہر اندر ، عشق اے بھگت کبیر
تیرے میرے رشتے کُوڑے ، کُوڑا سب پسار
"ماپے" ، "چاچے" ، "مامے" ، کاہدے ، عشق دے کیہڑے ویر
"ماپے" ، "چاچے" ، "مامے" ، کاہدے ، عشق دے کیہڑے ویر
عشق "الست" ، "بلٰی" دا قصہ ، عشق نفی اثبات
کثرت دی وچ عشق دی وحدت ، وحدت وچ تکثیر
کثرت دی وچ عشق دی وحدت ، وحدت وچ تکثیر
عشق مزمل ، عشق مدثر ، طہٰ تے یسین
ظاہر باطن ذات عشق دی ایہو مُڈھ اخیر
ظاہر باطن ذات عشق دی ایہو مُڈھ اخیر
عشق شہید شہادت حق دی ۔ عشق رضا دا بندہ
عشق اویس ، ابوذر جامی ، عشق علی شبیر
عشق اویس ، ابوذر جامی ، عشق علی شبیر
عشق دا ڈیرہ سولی اُپر ، عشق تے موت حرام
وصل فراق تُوں عشق اگیرے ، عشق سمیع بصیر
وصل فراق تُوں عشق اگیرے ، عشق سمیع بصیر
مر کے جیندا ، جی کے مَردا ، عشق بڑا کجھ کردا
"موتو قبل" ، "بل احیاھم" عشق دی ذات قدیر
"موتو قبل" ، "بل احیاھم" عشق دی ذات قدیر
عقلاں نال عشق نہ ہُندا ، عشق دی اُلٹی چال
عشق ہووے تے وگدے واصف اکھاں دے وچ نیر
عشق ہووے تے وگدے واصف اکھاں دے وچ نیر
Comment