Tweet
ایس ویلے پاکستان ات واد دی جس کڑکی وچ پھاتا ہویا ہے اوہنوں ویکھدیاں لانگ مارچ تے دھرنے دی اڑی کرن والے سیاستداناں، وکیلاں تے عام شہریاں دی جان تے مال دی راکھی دے جیہڑے پربندھ سرکار نے کیتے ہین اوہ بڑے سلاہن جوگ ہین۔
حکومت نے شریف برادران نوں لکھ کے دتا ہے پئی اوہناں دی جان خطرے وچ ہے۔ وکیلاں نوں وی خبردار کیتا ہے پئی لانگ مارچ وچ آپ مارُو دھاڑے تے ممبئی ورگیاں واپریاں ہو سکدیاں ہین۔ ایس لئی اوہ لانگ مارچ نوں نک دا مسئلہ نہ بناؤن۔ ملک تے ترس کھان تے گل بات لئی راضی ہو جان۔ پر اوہ سیاستدان ای کیہ جیہڑا اپنی نک توں اگانہہ ویکھ لوے تے اوہ وکیل ای کاہدا جیہڑا دلیل نوں من لوے۔
ایس لئی جیویں بال آگ وچ چھال مارن لگے تے پیو اوہنوں بچاؤن لئی دو چار چپیڑاں مار کے اندر ڈھک دیندا ہے۔ انج ای حکومت نوں وی کدی کدی اوس پیو وانگ بننا پیندا ہے تے کملی لوکائی نوں اک وڈے خطرے توں بچاؤن لئی اتھرو گیس، ڈانگاں تے پھینٹی وغیرہ دا آسرا لینا ای پیندا ہے۔
ایسے جذبے ہیٹھ سرکار نے کراچی توں اسلام آباد تائیں پنج ہزار کنٹینر ساریاں وڈیاں سڑکاں تے انج رکھ دتے ہین پئی عام بندہ تاں اک پاسے ات وادی وی ایہناں کنٹینراں نوں نہیں ٹپ سکدے۔
ات وادیاں دا دین ایمان تے کوئی ہوندا نہیں تے نہ ای کوئی اخلاقیات۔ ایس لئی اوہ ایہناں دناں وچ کسے وی اہم بندے یاں کامے دے گھر وڑ کے اوہناں مار سکدے ہین۔ ایس لئی پولیس احتیاط دے طور تے ایہناں ات وادیاں توں پہلاں ای گھراں وچ کُد گئی ہے تے کئی سیاسی کامیاں، وکیلاں اتے انسانی حقاں لئی کم کرن والیاں نوں حوالات دی چار دیواری وچ پچا دتا ہے ےاں جو اوہ ات وادیاں توں بچے رہن۔ ایہہ ٹھیک ہے پئی ایس راکھی دی کاروائی وچ انسانی حقاں دی اک وڈی کاروائی وچ انسانی حقاں دی اک کارکن مسرت ہلالی دی لت، طاہرہ عبداللہ دی عینک تے کئی سیاسی کامیاں تے وکیلاں دے بُوہے تے سر ٹٹ گئے پر جدوں بال نادان ہو جان تے ماپیاں نوں کجھ کھچائی کرنی ہی پیندی ہے۔
گبھرو قوم تے ملک دا بھلک ہوندے ہین تے سرکار ات وادیاں دے ہتھوں ایہہ بھلک تباہ ہوندیاں ویکھ نہیں سکدی۔ ایس لئی ایس بھلک نوں ادھی راتیں راولپنڈی تے اسلام آباد دیاں یونیورسٹیاں دے ہاسٹلاں چوں کڈھ کے سڑک تے کھلہار دتا گیا۔ تاں جو ایہہ گبھرو پڑھیار تے پڑھیارنان اپنی مرضی نال جتھے اپنے آپ نوں راکھواں سمجھن ٹُر کے چلے جان۔
ات وادی ہوٹلاں وچ بمب لا سکدے ہین تے کھانیاں وچ زہر وی رلا سکدے ہین۔ ایس لئی سرکار نوں مجبوری وچ ہوٹلاں تے ایہہ روک لاؤنی پئی کہ اوہ کسے وی مشکوک مارچیئے نوں کمرہ نہیں دین گے تے کوئی ریسٹورنٹ کھان دا اک توں ودھ پارسل کسے نوں نہیں ویچے گا نہیں تے اوہدا لائسنس مکا دتا جاوے گا۔
جیہڑے روگی تے اوہناں دے سنگ ساک سڑکاں دی ناکے بندی پاروں سرکار نوں گاہلاں کڈھ رہے ہین اوہناں جھلیاں نوں ایہہ وی نہیں پتہ پئی سرکار لئی بھاویں کوئی چنگا بھلا ہووے یاں روگی، سارے ساہویں شہری ہین۔ جے ایہناں روگیاں دیاں ایمبولنساں نوں راہ نہیں لبھ رہیا تے اوہدا اُکا ایہو کارن ہے پئی پچھوکڑ وچ کئی واری ایمبولنساں نوں ہائی جیک کر کے اوہناں وچ اسلحہ بارود ایدھر اودھر کرن لئی ورتدے رہے ہین۔ تے کوئی وی سرکار وی اک روگی دی جان لئی کئی بے گناہاں دی جان خطرے وچ نہیں پا سکدی۔
سرکار نے ایہناں کماں راہیں ات وادیاں دے ہتھ پیر بنھ دتے ہین تے ہن تیکر اوہ پشاور وچ نیٹو دے اٹھاراں کنٹینراں نوں تباہ کرن توں اڈ کجھ وی نہیں کر سکے۔
ایہناں جتنان نوں اُکا اسٹیبلشمنٹ ای نہیں سگوں پردھان زرداری تے وزیر اعظم گیلانی دی کابینہ دا وی تھاپڑا ہے۔ رہی گل صوبائی رابطہ کمیٹی دے وزیر رضا ربانی تے اطلاعواں دی وزیر شیری رحمان ورگے لوکاں دی تے اوہناں دے روس وکھالے تے استعفے نال کجھ وی نہیں ہوندا۔ ایہو جہے کملے لوک کتھے نہیں ہوندے!
بی بی سی آن لائن دے شکریئے نال
حکومت نے شریف برادران نوں لکھ کے دتا ہے پئی اوہناں دی جان خطرے وچ ہے۔ وکیلاں نوں وی خبردار کیتا ہے پئی لانگ مارچ وچ آپ مارُو دھاڑے تے ممبئی ورگیاں واپریاں ہو سکدیاں ہین۔ ایس لئی اوہ لانگ مارچ نوں نک دا مسئلہ نہ بناؤن۔ ملک تے ترس کھان تے گل بات لئی راضی ہو جان۔ پر اوہ سیاستدان ای کیہ جیہڑا اپنی نک توں اگانہہ ویکھ لوے تے اوہ وکیل ای کاہدا جیہڑا دلیل نوں من لوے۔
ایس لئی جیویں بال آگ وچ چھال مارن لگے تے پیو اوہنوں بچاؤن لئی دو چار چپیڑاں مار کے اندر ڈھک دیندا ہے۔ انج ای حکومت نوں وی کدی کدی اوس پیو وانگ بننا پیندا ہے تے کملی لوکائی نوں اک وڈے خطرے توں بچاؤن لئی اتھرو گیس، ڈانگاں تے پھینٹی وغیرہ دا آسرا لینا ای پیندا ہے۔
ایسے جذبے ہیٹھ سرکار نے کراچی توں اسلام آباد تائیں پنج ہزار کنٹینر ساریاں وڈیاں سڑکاں تے انج رکھ دتے ہین پئی عام بندہ تاں اک پاسے ات وادی وی ایہناں کنٹینراں نوں نہیں ٹپ سکدے۔
ات وادیاں دا دین ایمان تے کوئی ہوندا نہیں تے نہ ای کوئی اخلاقیات۔ ایس لئی اوہ ایہناں دناں وچ کسے وی اہم بندے یاں کامے دے گھر وڑ کے اوہناں مار سکدے ہین۔ ایس لئی پولیس احتیاط دے طور تے ایہناں ات وادیاں توں پہلاں ای گھراں وچ کُد گئی ہے تے کئی سیاسی کامیاں، وکیلاں اتے انسانی حقاں لئی کم کرن والیاں نوں حوالات دی چار دیواری وچ پچا دتا ہے ےاں جو اوہ ات وادیاں توں بچے رہن۔ ایہہ ٹھیک ہے پئی ایس راکھی دی کاروائی وچ انسانی حقاں دی اک وڈی کاروائی وچ انسانی حقاں دی اک کارکن مسرت ہلالی دی لت، طاہرہ عبداللہ دی عینک تے کئی سیاسی کامیاں تے وکیلاں دے بُوہے تے سر ٹٹ گئے پر جدوں بال نادان ہو جان تے ماپیاں نوں کجھ کھچائی کرنی ہی پیندی ہے۔
گبھرو قوم تے ملک دا بھلک ہوندے ہین تے سرکار ات وادیاں دے ہتھوں ایہہ بھلک تباہ ہوندیاں ویکھ نہیں سکدی۔ ایس لئی ایس بھلک نوں ادھی راتیں راولپنڈی تے اسلام آباد دیاں یونیورسٹیاں دے ہاسٹلاں چوں کڈھ کے سڑک تے کھلہار دتا گیا۔ تاں جو ایہہ گبھرو پڑھیار تے پڑھیارنان اپنی مرضی نال جتھے اپنے آپ نوں راکھواں سمجھن ٹُر کے چلے جان۔
ات وادی ہوٹلاں وچ بمب لا سکدے ہین تے کھانیاں وچ زہر وی رلا سکدے ہین۔ ایس لئی سرکار نوں مجبوری وچ ہوٹلاں تے ایہہ روک لاؤنی پئی کہ اوہ کسے وی مشکوک مارچیئے نوں کمرہ نہیں دین گے تے کوئی ریسٹورنٹ کھان دا اک توں ودھ پارسل کسے نوں نہیں ویچے گا نہیں تے اوہدا لائسنس مکا دتا جاوے گا۔
جیہڑے روگی تے اوہناں دے سنگ ساک سڑکاں دی ناکے بندی پاروں سرکار نوں گاہلاں کڈھ رہے ہین اوہناں جھلیاں نوں ایہہ وی نہیں پتہ پئی سرکار لئی بھاویں کوئی چنگا بھلا ہووے یاں روگی، سارے ساہویں شہری ہین۔ جے ایہناں روگیاں دیاں ایمبولنساں نوں راہ نہیں لبھ رہیا تے اوہدا اُکا ایہو کارن ہے پئی پچھوکڑ وچ کئی واری ایمبولنساں نوں ہائی جیک کر کے اوہناں وچ اسلحہ بارود ایدھر اودھر کرن لئی ورتدے رہے ہین۔ تے کوئی وی سرکار وی اک روگی دی جان لئی کئی بے گناہاں دی جان خطرے وچ نہیں پا سکدی۔
سرکار نے ایہناں کماں راہیں ات وادیاں دے ہتھ پیر بنھ دتے ہین تے ہن تیکر اوہ پشاور وچ نیٹو دے اٹھاراں کنٹینراں نوں تباہ کرن توں اڈ کجھ وی نہیں کر سکے۔
ایہناں جتنان نوں اُکا اسٹیبلشمنٹ ای نہیں سگوں پردھان زرداری تے وزیر اعظم گیلانی دی کابینہ دا وی تھاپڑا ہے۔ رہی گل صوبائی رابطہ کمیٹی دے وزیر رضا ربانی تے اطلاعواں دی وزیر شیری رحمان ورگے لوکاں دی تے اوہناں دے روس وکھالے تے استعفے نال کجھ وی نہیں ہوندا۔ ایہو جہے کملے لوک کتھے نہیں ہوندے!
بی بی سی آن لائن دے شکریئے نال
Comment