Tweet
.عید دا ڈوجها ڈینہہ
کل عید ہائی ، کل بہوں خوشیاں ہن،
بہوں میلے ہن ، کئی میل وی ہن
اتھ ہتهه اچ ہتهه، گل گکڑیاں ہن
نویں کهسے ، کپڑے ، پگڑیاں ہن
اساں ڈیکهنڑ گئے انہاں خشیاں کوں...
"نہ اماں ہائی ، نہ ابا ہائی
نہ دل کوں بهاندے لوک ملن"
پاہنجوں اکھیں گھر آئے ہیں
اتے کهٹرا مل تے سم تهئے ہیں
اج عید دا ڈوجها ڈینہہ آ گئے
وت بئی هک عید لنگها بیٹهوں
وت دل دے داغ ودھا بیٹھوں
کئی عرصہ تهئے ، نسے عید منائی
کہیں نانویں عیداں لا بیٹهوں....
خالد پرویز
Comment