Shakir Shuja Abadi saraiki poetry

[.]

Assalamalikum
Shakir Shuja Abadi poetry collection :rose

[.]

Re: Shakir Shuja Abadi saraiki poetry

ساڈی شاکر کیڑهی زندگی ہے..

اساں آپ کیتھائیں ساڈا یار کیتھائیں!

[.]

Re: Shakir Shuja Abadi saraiki poetry

ایویں مار نہ شاکر قسطا ں وچ .
.. شک مشت مکا ساڈی جان چھٹے.

[.]

Re: Shakir Shuja Abadi saraiki poetry

جے مر کے زندگی چہندیں فقیری ٹوٹکا سنڑ گھن
وفا دے وچ فنا تھی ونج، بقا جانڑے خدا جانڑے.

[.]

Re: Shakir Shuja Abadi saraiki poetry

دل منگ پوی تاں لنگھ آویں میڈے گھر دا سوکھا راہ اے
ھاں واسی ڈکھ دے صوبے دا ضلع غم تحیصل جفا اے
چند میل فرق دے موضعے توں ھک ھنجواں دا دریا اے
جڈاں شاکر پرلھی من ٹپسیں اگوں سامنے میڈی جاھ اے

[.]

Re: Shakir Shuja Abadi saraiki poetry

میڈا خالق سچ دیاں سوچاں ڈے
ہر سوچ دھیان دے کم آوے
ہر بندے کوں انسان بنڑا
انسان انسان دے کم آوے
ارمان،ارمان،ارمان ہوون
ارمان،ارمان دے کم آوے
ڈے "شاكر" جان جہان اوھا
جیڑھی جان جہان دے کم آوے.

[.]

Re: Shakir Shuja Abadi saraiki poetry

درکھول ڈے مولا رحمت دے ، ، ساڈے عیب گناہ سب معاف چاکر
کرکرم دی بارش ھر کہیں تے ، ساڈے سینے بغض توں صاف چا کر
محروم نہ کر ساکوں رحمت توں ، اج رحمت اپڑی خاص چا کر
اے سچ ہے شاکر مجرم ھیں ، پرتیڈے ھیں ساکوں معاف چاکر

[.]

Re: Shakir Shuja Abadi saraiki poetry

ساکوں روندا ڈیکھ تے حال نہ گھن نہ درد ونڈا ساکوں رونڑ ڈے

ساڈے اجڑے حال تے ترس نہ کر نہ چپ کروا ساکوں رونڑ ڈے

آپے رو رو کے چپ کر ویسوں نہ وقت ونجا ساکوں رونڑ ڈے

ساڈی قسمت اچ رونڑ ھے "شاکر" توں خوشیاں منا ساکوں رونڑ ڈے

[.]

Re: Shakir Shuja Abadi saraiki poetry

اج موسم ھے تیڈیں یادیں دا میکوں بھاندا پۓ اج ھوو یں ھا
ھے یارھوا اج جھمریں وچ جھڑ گاندا پۓ اج ھوو یں ھا
ترم چھت پووے متاں پلکیں دی ڈر کھاندا پۓ اجھوو یں ھا
میڈے شہر اچ شاکر مونجھیں دا مینہہ آندا پۓ اج ھوو یں ھا.

[.]

Re: Shakir Shuja Abadi saraiki poetry

جیڑها شاکر وقت ئچ ناں پکرے..
.
اوندا مانڑ کہیا او یار کہیا...

[.]

Re: Shakir Shuja Abadi saraiki poetry

میڈی زندگی وگڑیا دهاگا ہےایکوں تنڑدا ونڑدا کوئ نی..
میڈے ٹوٹے کرکےسٹ ڈیندن اتےگنڑدا گونڑدا کوئ نی..
میاں هر کوئ چنڑدے کلیاں کوں ڈٹہے پهل کوں چنڑدا کوئ نی.
...هنڑبس کر شاکر روونڑ دی تیڈی دهاڑکوں سنڑدا کوئ نی...

[.]

Re: Shakir Shuja Abadi saraiki poetry

تیڈی نگری وچ تیڈے نوکر ہیں پراپنی جاہ سردار ھسے..
ہےحسرت تیڈےڈیکھن دی تیڈی دید کیتےلاچار ھسے...
کہیں موڑ تے کھڑ آزماویں توں تیڈے حکم دے پیروکار ھسے..
باقی جگ دے شاکر نوکر نی, تیڈی ذات دے تابیدار ھسے..

[.]

Re: Shakir Shuja Abadi saraiki poetry

ساری عمر پٹیندے رہندن
پٹے ہوۓ پیو ماء دے لوک

[.]

Re: Shakir Shuja Abadi saraiki poetry

ہک تیر لگا وچ سینے دے کئیں خبر نہ ہئی جو کئیں مارئیے
میڈے سنگتاں آکھیا پکڑ گھنو اوں ظالم کوں ایہ جیں مارئیے
میڈے سامنڑے غیر جو گزرے ہن میں آکھے یار انہیں ماریئے
اُتوں چن شاکر دا پہنچ گیا، فخریج تے آہدے میں ماریئے

[.]

Re: Shakir Shuja Abadi saraiki poetry

ایں جگ تے اینجھا حساب تھی گے
لگی کوں پالنڑ عذاب تھی گے
جڈن دی لالچ جوان تھئ اے
وفا دا خانہ خراب تھی گے.