پير محمد کاروان.............................

[*Hala*]

د لوی خدای په نامه

شاعران يو په نغمو يادوو خدای
ښکلي ګورو ، په لېمو يادوو خدای
خدای بلد کړو د توبو په ماتولو
غړپ کوو له پېمانو يادوو خدای
شېخ د کاڼو په تسپو يادوي خدای
موږ د اوښکو په تسپو يادوو خدای
د ژوندون په ګوتو برګی تسپې وايو
هم په ورځو هم په شپو يادوو خدای
يم هيرجن چې هير مې نه شي راته خانده
ستا له شونډو اننګو يادوو خدای
ايا تونه دې په سترګو کې موسکي دي
ستا له سترګو پښتنو يادوو خدای
موږ کاروان د لېونو ازادي غواړو
په کړۍ د زولنو يادوو خدای

[*Hala*]

Re: پير محمد کاروان.............................

شعر

چې ورته خولې شوې داصيلو مرغلرو اوبه
خپلو خبرو ته دې ورکړې د سندرو اوبه
ستا د تصوير تنکيو پښو ته شيشې مه شه لشې
په کاڼو چېرې ماتې مه شه د جوهرواوبه
زما د زړه د مينې زور پاس په لېمو کې ګوره
په بره خېژې اشنا تل د زورورو اوبه
خدايه ! باران د مينې راوله پر وچو للمو
غواړي ګلان لکه د تږو مساپرواوبه
ګودرې شاړې منګي مات دي په کې څاڅکی نه شته
ستا د لاسونو د جوړه شپينو کوترو اوبه
پرګلو څاڅي کوم د مينې پېغمبر ژړلې ؟
د شعر د شاتو د مچيو له وزرو اوبه
کله چې ليکي خپل صنم ته صوفيانه غزله
قلم ته واچوي کاروان د نيلوفر اوبه

[*Hala*]

Re: پير محمد کاروان.............................

د غرونو خلک يو...

د غــــــــرونو خلک يو کارونه د بازار نه کوو
شډل پډل ګــــرځو هيڅ ډول او سينګار نه کوو

د خدای مارغان راځي نغمې د ملکوت غږوي
مطرب ته اړ نه يو او ذکـــــــــــــر د ستار نه کوو

د ســــر قاتل ته هم ســــلام کوو سلام يــې اخلو
ولو يې مخــامخ له شانه پرې ګوزار نه کوو

په ستن کې تار شو اچلوی د سپــــــوږمۍ په رڼا
څراغ کې تېل نه سيزو دا د تـاوان کار نه کوو

له پړانګ څرمنه اړوو چې لنګې غواوې داړي
پر څانګې ناستې مرغکۍ د کــــاڼي وار نه کوو

[Bheegi-Palkain]

Re: پير محمد کاروان.............................

Asslam-o-Alikum WR WB

Nice :)

FeaamnAllah

[Muhammad Khalil]

Re: پير محمد کاروان.............................

pata nahi kia kiaa likh rahi hain

[sheem]

Re: پير محمد کاروان.............................

another nice sharing :D

[*Hala*]

Re: پير محمد کاروان.............................

another nice sharing :D

thanks..........:)