ډیلیټ (Delete) .....................................

[*Hala*]

ډیلیټ
پیر محمد کاروان
په تيلفون کې چې د A جدول راوړومه
نو ستا نامه په کې اول راوځي
سترګو ته دوه څاڅکي د اوښکو راځي
له زړه مې سل چينې د ګل راوځي
د تليفون تڼۍ مې کيکاږله
زما اواز تر تا در ورسيدو
تا يې پر ستوني باندې پښه کېښوده
زما په زړه کې دې تېره ماته ښيښه کېښوده
ما درته څومره سلامونه وکړل
خو تا يوځلې هم عليک ونه وې
په مرحبا مرحبا ستړی شومه
جانانه تا راته لبيک و نه وې
په تليفون کې مې چارج ختم کرېډېټ تمام شو
لکه شاهين پنجو کې وړی کوتر
سور مې د زړه په وينو سپين سلام شو
د کمپيوترتر څنګه کېناستمه
په Msn کې مې One Line وليدې
نو مې يو سور ګلاب دروليږلو
ما وې چې ته مې ګوندې هم په سره ګلاب وولې
خو تا د سره ګلاب د پاسه چليپا را ښکله
تېره چاړه وه پر مرۍ چا تا زما را ښکله
ما وې په وينو سور يو بل ګلاب در وليږمه
خو ته Offline ښکاريدې Bloack دې ومه
د Email پاڼه مې راوړوله
ستا راليږلي اېمېلمونه له الف نه تر يا
ما په يوه ستړي نظر ټول و کتل
په کې يو څاڅکی د شبنم نه وو خوشبو يې نه وه
جوړ له کاغذ مې دا غاټول و کتل
ټول د درواغو له داغونو ډک وو
له پاڼې پاڼې يې ريا وريده
لکه پېريان چې د غوسې واخلي ماشوم په غېږ کې
ګوډۍ نانځکې او د لوبو شيان
په ديوالونو وولي
داسې مې ستا د اېمېلونو کاغذي ګلونه
له ډېره قهره پاڼې پاڼې ايسته و غورځول
په Msn کې مې ستا نوم Delete کړ
له تليفون مې ستا نومره و ايسته
اوس نو يو دوه کارونه پاتې راته
بری به هغه وخت نصيب وي ځما
که مې له خيال نه ستا څېره و ايسته
که مې په زړه کې ستا راټول يادونه
د خواږه صبر په اوبو و مينځل
دا څه موده په رياضت يمه بوخت
چې دې له خيال نه او له زړه نه په يو ځای وباسم
خو نتيجه صفر ده
نه کيږي نه کيږي والله نه کيږي
په زړه مې ووري او په خيال کې مې چکرې وهې
اخر په دې مې امنا کړې ده
په کومه ورځ مې چې په ګورکې کېږدي
د ګور چينجي به راشي
DELETE ستا ټول يادونه به
کاندي زما په زړه کې

[mr_umarzai]

Re: ډیلیټ (Delete) .....................................

der ha hala g

[MuQadas]

Re: ډیلیټ (Delete) .....................................




upssssssssssss hala sis itna khatarnak zlum

[sohail khan]

Re: ډیلیټ (Delete) .....................................

Der Kha Hala

[*Hala*]

Re: ډیلیټ (Delete) .....................................

upssssssssssss hala sis itna khatarnak zlum

thankz all

[kutkutariyaan]

Re: ډیلیټ (Delete) .....................................

thinkingg

[Tamana]

Re: ډیلیټ (Delete) .....................................

kala che me title walidy no ma feker waka che ta kam post most ډیلیټ kari di hagha kho da پیر محمد کاروان Sher rawakhati :khi:
der sha sher woo :phool:

[*Hala*]

Re: ډیلیټ (Delete) .....................................

hehehe ..tamana khori awli wayee baya imza kawa.... :hehe:
:hug:

[Tamana]

Re: ډیلیټ (Delete) .....................................

hehehe pashtana yaw titlle ye wayooo bia yee emza kawo nor ye bia da wrosta kar di :khi: