Last Call

[shummu]

"Last Call"

Kal hamesha ki tarha uss ney kaha ye fone par
mein buhut masroof hoon mujh ko buhut sey kaam hain

iss liye tum aao milney mein tou aa sakti nahi
har riwayat toRh kar iss baar mein ney keh diya

tum jo ho masroof mein bhi buhut masroof hoon
tum jo ho mash'hoor tou mein bhi buhut maroof hoo

tum agar ghamgeen hoo mein bhi buhut ranjoor hoo
tum thakan sey choor tou mein bhi thakan sey choor hoon

jan-e-man hai waqt mera bhi buhut hi qeemti
kuch puraney dostoon ney milney ana hai abhi

mein bhi ab farigh nahi mujh ko bhi lakhon kaam hain
warna kehney ko tou sab lamhey tumharey naam hain

meri aankhein bhi buhut bojhal hain sona hai mujhey
rat'jagoN key baad ab neendoN mein khona hai mujhey

mein lahoo apni anaoo ka baha sakta nahi
tum nahi aati tou milney mein bhi aa sakta nahi

uss ko ye keh kar wasi mein ney reciever rakh diya
aur phir apni ana key paaon pey sar rakh diya.

[*Rida*]

Re: Last Call

Assalaam-0-Aliakom:rose
khoob
aakhri line best hai

[tauseeftariq]

Re: Last Call

humm....... last line is the pick...... per aisai mehboob ko yon hi "sunani" chahiyen...haha