میرا غفلت میں ڈوبا دل بدل دے

[Nadia khan]

بدل دے دل کی دنیا دل بدل دے
میرا غفلت میں ڈوبا دل بدل دے
ہوا و حرص والا دل بدل دے
میرا غفلت میں ڈوبا دل بدل دے
بدل دے دل کی دنیا دل بدل دے
خدایا فضل فرما دل بدل دے
گناہ گاری میں کب تک عمر کاٹوں
بدل دے میرا رستہ دل بدل دے
سنوں میں نام تیرا دھڑکنوں میں
مزا آجائے مولا دل بدل دے
ہٹا لوں آنکھ اپنی ما سوا سے
جیوں میں تیری خاطر دل بدل دے
کروں قربان اپنی ساری خوشیاں
تو اپنا غم عطا کر دل بدل دے
سہل فرما مسلسل یاد اپنی
خدایا رحم فرما دل بدل دے
پڑا ہوں تیرے در پر دل شکستہ
رہوں کیوں دل شکستہ دل بدل دے
تیرا ہوجاوں اتنی آرزو ہے
بس اتنی ہے تمنا دل بدل دے
میری فریاد سن لے میرے مولا
بنا لے اپنا بندہ دل بدل دے
دلِ مغموم کو مسرور کردے
دلِ بے نور کو پُر نور کردے
فروزاں دل میں شامِ طور کردے
یہ گوشہ نور سے معمور کردے
میرا ظاہر سنور جائے الٰہی
میرے باطن کی ظلمت دور کردے
ہے میری گھات میں خود نفس میرا
خدایا اس کو دے مقدور کردے
بدل دے دل کی دنیا دل بدل دے
میرا غفلت میں ڈوبا دل بدل دے

[-=The Driver=-]

Re: میرا غفلت میں ڈوبا دل بدل دے

bahut khhob jinab

[.]

Re: میرا غفلت میں ڈوبا دل بدل دے

jazakAllah ..junaid jamseed ki awaaz main hai na yeh naat :--)