یقین کچھ بھی نہیں ہے، گمان کچھ بھی نہیں

[*Hala*]

نعتِ رسولِ مقبول صلی اللہ علیہ وسلم

یقین کچھ بھی نہیں ہے، گمان کچھ بھی نہیں
جو تو نہیں ہے تو سارا جہان کچھ بھی نہیں

ترے ہی نام سے پہچان ہے مرے آقا ۖ
وگرنہ اپنا تو نام و نشان کچھ بھی نہیں

لبوں پہ نامِ محمد ۖ ہے زمزمہ پیرا
ہمارے فکر کی ورنہ اُڑان کچھ بھی نہیں

ترے ہی دم سے منوّر ہیں بام و در دل کے
جو تو نہیں ہے مکیں تو مکان کچھ بھی نہیں

تجھی سے پائی ہے، تہذیب آدمیّت نے
وگرنہ خاک ہے یہ خاکدان، کچھ بھی نہیں

یہ پیارا نام لہُو میں اگر نہیں ہے رواں
یہ جسم کچھ بھی نہیں ہے، یہ جان کچھ بھی نہیں

دل و زباں پہ رہے بس ہمیشہ صلِّ علیٰ
وگرنہ سعد یہ دل اور زبان کچھ بھی نہیں

سعداللہ شاہ

[S.Athar]

Re: یقین کچھ بھی نہیں ہے، گمان کچھ بھی نہیں

اسلام علیکم
ماشاءاللہ بہت ہی عمدہ نعت رسولﷺ سے بہرہ کیا ہے
سعد اللہ شاہ بہت ہی اچھے شاعر ہیں اور ان کی شاعری موجودہ نسل کی ترجمان ہے اور حمدیا اور نعتیہ کلام اُن کی اپنے دین سے گہری وابستگی کا منہ بولتا ثبوت ہے۔
اللہ جی آپ کو شاد رکھیں آباد رکھیں آمین

[Ismail Ajaz]

Re: یقین کچھ بھی نہیں ہے، گمان کچھ بھی نہیں

subHaan Allah subHaan Allah

kitnee KhoobSoorat na'at e rasool e maqbool hai

[saraah]

Re: یقین کچھ بھی نہیں ہے، گمان کچھ بھی نہیں

subhan ALLAH :rose

[life.]

Re: یقین کچھ بھی نہیں ہے، گمان کچھ بھی نہیں

Jazaak Allah Kheir