Kabhi Hum Bhi to Ik Din Ja Ke Baitullah Dekhen Ge

[.]

Kabhi Hum Bhi to Ik Din Ja Ke Baitullah Dekhen Ge
Madine Jaayen Ge Bait e Rasool Allah Dekhen Ge

Kanwal Khil Jaayen Ge Dil Ke, Musarrat Paon Choome Gi
Haram Mein Rooh Parwar Husun e Baitullah Dekhen Ge

Safa Pe Charh Ke Dekhen Ge Safaai Apne Emaan Ki
Utar Kar Kooye Marwah Shauq Se W’allah Dekhen Ge

Bara Pur Kaif Noori Hoga Wo Hajj Ka Bhi Nazara
Gada e Be Nawa Ko Hum Wahan Par Shah Dekhen Ge

Piyen Ge Shauq Se Ji Bhar Ke Hum Zam Zam Ke Pani Ko
Jab Apni Aankhon Se Hum Pine Wala Dekhen Ge

Kabhi Hum Bhi to Ik Din Ja Kay Baitullah Dekhain Ge
Madine Jaayen Ge Bait e Rasool Allah Dekhain Ge