Tweet
اِتنی مُدّت بعد ملے ھو
کن سوچوں میں گم رھتے ھو؟
اِتنے خائف کیوں رھتے ھو؟
ھر آھٹ سے ڈر جاتے ھو
تیز ھوا نے مجھ سے پوچھا
ریت پہ کیا لکھتے رھتے ھو؟
کاش کوئی ھم سے بھی پوچھے
رات گئے تک کیوں جاگے ھو؟
میں دریا سے بھی ڈرتا ھوں
تم دریا سے بھی گہرے ھو
کون سی بات ھے تم میں ایسی
اِتنے اچھّے کیوں لگتے ھو؟
پیچھے مڑ کر کیوں دیکھا تھا
ّپتھر بن کر کیا تکتے ھو
جاؤ جیت کا جشن مناؤ
میں جھوٹا ھُوں ، تم سچّے ھو
اپنے شہر کے سب لوگوں سے
میری خاطر کیوں اُلجھے ھو؟
کہنے کو رھتے ہو دل میں
پھر بھی کتنے دُور کھڑے ھو
رات ھمیں کچھ یاد نہیں تھا
رات بہت ھی یاد آئے ھو
ھم سے نہ پوچھو ھجر کے قصّے
اپنی کہو اب تم کیسے ھو؟
محسن !! تم بدنام بہت ھو
جیسے ھو ، پھر بھی اچھّے ھو
”محسن نقوی“
Comment