ye gham kia dil ki adat hai ? nahi to by Jon Elia

[.]

ye gham kia dil ki adat hai ? nahi to by Jon Elia



یہ غم کیا دل کی عادت ھے؟ نہیں تو
کسی سے کچھ شکایت ھے؟ نہیں تو

ھے وہ اِک خوابِ بے تعبیر اس کو
بُھلا دینے کی نیت ھے؟ نہیں تو

کسی کے بن ، کسی کی یاد کے بن
جیئے جانے کی ھمت ھے؟ نہیں تو

کسی صُورت بھی دل لگتا نہیں ؟ ھاں
تو کچھ دن سے یہ حالت ھے؟ نہیں تو

تیرے اس حال پرھے سب کو حیرت
تجھے بھی اس پہ حیرت ھے؟ نہیں تو

ھم آہنگی نہیں دینا سے تیری
تجھے اس پر ندامت ھے؟ نہیں تو

ھُوا جو کچھ یہ ھی مقسُوم تھا کیا ؟؟
یہی ساری حکایت ھے ؟ نہین تو

اذیت ناک اُمیدوں سے تُجھ کو
اماں پانے کی حسرت ھے ؟ نہیں تو

تو رھتا ھے خیال و خواب میں گم
تو اس کی وجہ فرصت ھے ؟ نہیں تو

وھاں والوں سے ھے اتنی محبت
یہاں والوں سے نفرت ھے؟ نہیں تو

سبب جو اس جدائی کا بنا ھے
وہ مجھ سے خوبصورت ھے؟ نہیں تو

”جون ایلیاء“