Announcement

Collapse
No announcement yet.

Unconfigured Ad Widget

Collapse

Bazam say jub nigaar uthta hai

Collapse
X
 
  • Filter
  • Time
  • Show
Clear All
new posts

  • Bazam say jub nigaar uthta hai


    بزم سے جب نگار اٹھتا ہے
    میرے دل سے غبار اٹھتا ہے
    میں جو بیٹھا ہوں تو وہ خوش قامت
    دیکھ لو! بار بار اٹھتا ہے
    تیری صورت کو دیکھ کر مری جاں
    خود بخود دل میں پیار اٹھتا ہے
    اس کی گُل گشت سے روش بہ روش
    رنگ ہی رنگ یار اٹھتا ہے
    تیرے جاتے ہی اس خرابے سے
    شورِ گریہ ہزار اٹھتا ہے
    کون ہے جس کو جاں عزیز نہیں؟
    لے ترا جاں نثار اٹھتا ہے
    صف بہ صف آ کھڑے ہوئے ہیں غزال
    دشت سے خاکسار اٹھتا ہے
    ہے یہ تیشہ کہ ایک شعلہ سا
    بر سرِ کوہسار اٹھتا ہے
    کربِ تنہائی ہے وہ شے کہ خدا
    آدمی کو پکار اٹھتا ہے
    تو نے پھر کَسبِ زَر کا ذکر کیا
    کہیں ہم سے یہ بار اٹھتا ہے
    لو وہ مجبورِ شہر صحرا سے
    آج دیوانہ وار اٹھتا ہے
    اپنے ہاں تو زمانے والوں کا
    روز ہی اعتبار اٹھتا ہے
    جون اٹھتا ہے، یوں کہو، یعنی
    میر و غالب کا یار اٹھتا ہے

    jon elia
    Hacked by M4mad_turk
    my instalgram id: m4mad_turk
Working...
X