Yeh BastaiN Hain Ka Muqtal Dua KeaY JaaiN

[Dr Fausts]

یہ بستیاں ہیں کہ مقتل دعا کیے جائیں
دعا کے دن ہیں مسلسل دعا کیے جائیں

کوئی فغاں، کوئی نالہ، کوئی بکا، کوئی بین
کھلے گا باب مقتل دعا کیے جائیں

یہ اضطراب یہ لمبا سفر، یہ تنہائی
یہ رات اور یہ جنگل دعا کیے جائیں

بحال ہو کے رہے گی فضا ئے خطہ خیر
یہ حبس ہوگا معطل دعا کئے جائیں

گزشتگان ِ محبت کے خواب کی سوگند
وہ خواب ہوگا مکمل دعا کیے جائیں

ہوائے سرکش و سفاک کے مقابل بھی
یہ دل بجھیں گے نہ مشعل دعا کیے جائیں

غبار اڑاتی جھلستی ہوئی زمینوں پر
امنڈ کے آئیں گے بادل دعا کیے جائیں

قبول ہونا مقدر ہے حرف خالص کا
ہر ایک آن ہر اک پل دعا کیے جائیں