Muqadar Hu Chuka Hai BeDaar wa Diwar rehna

[Dr Fausts]

مقدر ہو چکا ہےبے در و دیوار رہنا
کہیں طے پا رہا ہے شہر کا مسمار رہنا

نمود خواب کے اور انہدام خواب کے بیچ
قیامت مرحلہ ہے دل کا ناہموار رہنا

دلوں کے درمیاں دوری کے دن ہیں اور ہم کو
اسی موسم میں تنہا برسرپیکار رہنا

اندھیری رات اور شور سگاں کوئے دشنام
اور ایسے میں کسی آنکھ کا بیدار رہنا

تماشا کرنے والے آ رہے ہیں جوک در جوک
گروہ پابجولاں! رقص کو تیار رہنا

ہوائے کوئے قاتل بے ادب ہونے لگی ہے
چراغ جادہ صدق و صفا ہشار رہنا

یہ دشواری تو آسانی کا خمیازہ ہے ورنہ
بہت ہی سہل تھا ہم کو بہت دشوار رہنا

ادھر کچھ دن سے اس بستی کو راس آنے لگا ہے
ہم آشفتہ سروں کے در پے آزار رہنا