laa_ii hayaat aaye qazaa le chalii chale

[zmufti]

laa_ii hayaat aaye qazaa le chalii chale
apanii Khushii na aaye na apanii khushii chale

behatar to hai yahii ke na duniyaa se dil lage
par kyaa kareN jo kaam na bedillagii chale

ho umr-e-Khizr bhii to kahe.nge ba_vaqt-e-marg
ham kyaa rahe yahaaN abhii aaye abhii chale

duniyaa ne kis ka raah-e-fanaa meN diyaa hai saath
tum bhii chale chalo yuuN hii jab tak chalii chale

naazaaN na ho Khirad pe jo honaa hai vo hii ho
daanish terii na kuchh merii daanishvarii chale

kam ho.nge is bisaat pe ham jaise bad_qimaar
jo chaal ham chale vo nihaayat burii chale

jaate havaa-e-shauq meN heN is chaman se 'Zauq'
apanii balaa se baad-e-sabaa kahiiN chale

[Soulmate]

Re: laa_ii hayaat aaye qazaa le chalii chale

wow great

[iiiiboyz]

Re: laa_ii hayaat aaye qazaa le chalii chale

very nice

[Sawabiwal]

Re: laa_ii hayaat aaye qazaa le chalii chale

bht umda sharing