gulzar lyrics

[.]

gulzar lyrics


Kitaabain jhankti hain
band almari k sheeshoon se
bhari hasrat se takti hain
maheenon ab mulaqaatain nahi hoti
jo shamaain un ki suhbaat main katta karti thein
ab aksar guzar jati hain
computer k pardoon par

bari bay chain rehti hain kitaabain
inhain ab neend main chalnay ki aadat hogai hay
bari hasrat se takti hain
jo qadrain jo woh sunatein thein
k jin k sal kabhi martay nahi thay
woh qadrain ab nazar aati nahi ghar main


jo rishtay woh sunati thein

woh saray udhrhay udhrhay hain

koi safha palat ta hoon to ik siski nikalti hay --------

kai lafzoon k mainee gir paray hain

bina patoon k sookhay dhund lagtay hain woh sab alfaaz

jin pe ab koi maani nahi hotay

bohat sii istalhain hain jo matti k sokorron ki tarah bikhri pari hain

classon main unhain makri ka dala


zaban pe jo aata tha zaiqa safhay paltnay ka

ab ungli click karnay se aik jhapki guzarti hay

bohat sa teh ba teh khulta chala jata hay

kitaboon se jo zaati rabta tha

kat gaya hay


kabhi seenay par rakh kar lait jatay thay

kabhi goudi main laytay thay

kabhi guthnoon ko apnay rehal ki sorat bana kar

neem sajday main parha kartay thay

chotay thay jabeen se


Khuda nay chaha to woh sara ilm milta rahay ga

baad main bhi

magar woh jo kitaabon main mila kartay thay

sookhay phool ---------


kitabain mangnay

girnay uthanay k bahanay rishtay

bantay thay un ka kia hoga!!!??/!!!

woh shayad...... ab nahiin hoon gay!!


Kitaabain Jhankti Hain