koi khamosh zakham lagti hai - zindagi aik nazam lagti hai

[.]

koi khamosh zakham lagti hai - zindagi aik nazam lagti hai by Gulzar



کوئی خاموش زخم لگتی ہے
زندگی ایک نظم لگتی ہے

بزم_ یاراں میں رہتا ہوں تنہا
اور تنہائی بزم لگتی ہے

ہم سے چاہے کہیں کی بات کرو
ہوتی تم پر ہی ختم لگتی ہے

اپنے سایے پہ پاؤں رکھتا ہوں
چھاؤں چھالوں کو نرم لگتی ہے

چاند کی نبض دیکھتا ہوں میں
رات کی سانس گرم لگتی ہے

یہ روایت کے درد مہکے رہیں
دل کی دیرینہ رسم لگتی ہے

شاعر : گلزار