تم جو پل کو ٹھہر جاؤ تو یہ لمحے بھی

[.]

تم جو پل کو ٹھہر جاؤ تو یہ لمحے بھی
آنے والے لمحوں کی امانت بن جائیں
تم جو ٹھہر جاؤ تو یہ رات ، مہتاب
یہ سبزہ ، یہ گلاب اور ہم دونوں کے خواب
سب کے سب ایسے مباہم ہوں کہ حقیقت ہو جائیں
تم ٹھہر جاؤ کہ عنوان کی تفسیر ہو تم
تم سے تلخیء اوقات کا موسم بدلے
رات تو کیا بدلے گی ، حالات تو کیا بدلیں گے
تم جو ٹھہر جاؤ تو میری ذات کا موسم بدلے
مہربان ہو کے نہ ٹھہرو تو پھر یوں ٹھہرو
جیسے پل بھر کو کوئی خوابِ تمنّا ٹھہرے
جیسے درویشِ مادہ نوش کے پیالے میں کبھی
اِک دو پل کے لیئے تلخیء دنیا ٹھہرے
ٹھہر جاؤ کے مدارات میخانے سے
چلتے چلتے کوئی اِک آدھ سبو ہو جائے
اس سے پہلے کہ کوئی لمحہء آئندہ کا تیر
اس طرح آئے کہ پیوستِ گُلو ہو جائے
تم جو پل کو ٹھہر جاؤ تو ۔۔

فیض