Tweet
ٹوٹی جہاں جہاں پہ کمند
رہا نہ کچھ بھی زمانے میں جب نظر کو پسند
تری نظر سے کیا رشتہ نظر پیوند
ترے جمال سے ہر صبح پر وضو لازم
ہر ایک شب ترے در پہ سجود کی پابند
نہیں رہا حرم ِ دل میں ایک صنم باطل
ترے خیال کے لات و منات کی سوگند
مثال زینہ منزل بکار ِ شوق آیا
ہر اک مقام کہ ٹوٹی جہاں جہاں پہ کمند
خزاں تمام ہوئی کس حساب میں لکھئے
بہار گل میں جو پہنچے ہیں شاخِ گل کو گزند
دریدہ دل ہے کوئی شہر میں ہماری طرح
کوئی دریدہ دہن شیخ ِ شہر کی مانند
شعار کی جو مدارت قامت ِ جاناں
کیا ہے فیض در ِ دل، در ِ فلک سے بلند
:rose
Comment