Tweet
شوخی نے تیری کام کیا اک نگاہ میں
صوفی ہے بتکدے میں صنم خانقاہ میں
Shokhi Nay Teri Kaam Kiya Ek Nigaah Main
Sufi Hay Butkaday Main Sanam Khankah Main
آنکھیں بچھائیں ہم تو عدو کی بھی راہ میں
پر کیا کریں کہ تو ہے ہماری نگاہ میں
Aankhain Bichayen Ham To Addow Ki Bhi Raah Main
Par Kya Karain Kah To Hay Hamari Nigah Main
بڑھتا ہوں آگے پوچھ کر اُس سے مقام عشق
جو فتنہ مجھ غریب کو ملتا ہے راہ میں
Barhta Houn Aagay Poch Kar Us Say Muqaam-e-Ishq
Jo Fitna Mujh Ghareeb Ko Milta Hay Raah Main
دل میں سما گئی ہیں قیامت کی شوخیاں
دو چار دن رہاتھا کسی کی نگاہ میں
Dil Main Sama Gayi Hain Qayamat Ki Shokhiyan
Do Chaar Din Raha Tha Kisi Ki Nigah Main
راتیں مصیبتوں کی جو گذریں تھیں آج تک
ماتم میں آئے ہیں مرے روز سیاہ میں
Ratain Museebtoun Ki Jo Guzrein Thien Aaj Tak
Matam Main Aaye Hain Mere Roz-e-Sayah main
اُس توبہ پر ہے نار تجھے زاہد اس قدر
جو ٹوٹ کر شریک ہو میرے گناہ میں
Us Tobah Par Hay Naaz Tujhay Zahid Is Qadar
Jo Toot Kar Shareek Ho Mere Gunaah Main
آتی ہے بات بات مجھے یاد بار بار
کہتا ہوں دوڑ دوڑ کے قاصد سے راہ میں
Aati Hay Baat Baat Mujhay Yaad Bar Bar
Kehta Houn Doar Doar K Qaasid Say Raah Main
تاثیربچ کے سنگ حوادث سے آئے کیا
میری دعا بھی ٹھوکریں کھاتی ہے راہ میں
Taseer Bach K Sang-e-Hawadis Say Aaye Kya
Meri Dua Bhi Thokrain Khati Ha Raah Main
کیسا نظارہ کس کا اشارہ کہاں کی بات
سب کچھ ہے اور کچھ نہیں نیچی نگاہ میں
Kaisa Nizara Kis Ka Ishara Kahan Ki Baat
Sab Kuch Hay Aur Kuch Nahin Neechi Nigah Main
جو کینہ آج ہے ترے دل میں ستم شعار
جائے گا کل یہی تو دل داد خواہ میں
Jo Keena Aaj Hay Tere Dil Main Sitam Sha’aar
Jaaye Ga Kal Yahi To Dil Daad Khwaah Main
مشتاق اس صدا کے بہت درد مند تھے
اے داغ تم تو بیٹھ گئے ایک آہ میں
Mushtaq Is Sada K Bohat Dard Mand Thay
Ae Daagh Tum To Baith Gaye Aik Aah Main
داغ دہلوی
Comment