har shaam jalate jismo.n kaa gaa.Dhaa dhuaa.N hai shahar

[Sawabiwal]

har shaam jalate jismo.n kaa gaa.Dhaa dhuaa.N hai shahar
mar-ghaT kahaa.N hai ko_ii bataao kahaa.N hai shahar

phuTapaath par jo laash pa.Dii hai usii kii hai
jis gaa.Nv ko yaqii.n thaa ki rozii-rasaa.N hai shahar

mar jaa_iye to naam-o-nasab puuchhataa nahii.n
murdo.n ke sil-sile me.n bahut meharabaa.N hai shahar

rah rah ke chiiKh uThate hai.n sannaaTe raat ko
jangal chhupe hue hai.n vahii.n par jahaa.N hai shahar

bhuuchaal aate rahate hai.n aur TuuTataa nahii.n
ham jaise mufliso.n kii tarah saKht-jaa.N hai shahar

laTakaa huaa tren ke Dibbo.n me.n subah-o-shaam
lagataa hai apanii maut ke muu.Nh me.n ravaa.N hai shahar