Kisi Se Kabhi...!

[naz]

kisii se kabhii dil lagaayaa na thaa
muhabbat kaa sadamaa uThaayaa na thaa

hasiino.n ke rone pe ha.Nsate the ham
kabhii ek aa.Nsuu bahaayaa na thaa

ko_ii huur ho yaa parii apanaa sar
kisii aastaa.N par jhukaayaa na thaa

siyaah gesuuo.n ko tamannaa rahii
magar dil ko ham ne pha.Nsaayaa na thaa


zamaane me.n vo kaun thaa zoharaa_vash
ke siine se jis ne lagaayaa na thaa

basar kii sadaa aish-o-isharat me.n umr
kabhii ranj ham ne uThaayaa na thaa

magar ik jhalak ne hame.n kho diyaa
ye sadamaa to ham ne uThaayaa na thaa

kiyaa ishq ke dard me.n mubtilaa
"falak tuu ne itanaa ha.Nsaayaa na thaa
ke jis ke ivaz yuu.N rulaane lage"

[Baad-e-Saba]

Re: Kisi Se Kabhi...!

v.nice

[aik_lerki]

Re: Kisi Se Kabhi...!

Bohat khoob