koi chehra hua roshan na ujagar ankhain

[*Hala*]

koi chehra hua roshan na ujagar ankhain
aina dekh rahi thin meri pathar ankhain
le uri waqt ki andhi jinhen apne hamrah
aj phir dhund rahi hain wahi manzar ankhain
phut niklin to kai shahar-e-tamanna dube
ek qatre ko tarasati hui banjar ankhain
us ko dekha hai to ab shauq ka wo alam hai
apne halakon se nikal ai hain bahar ankhain
tu nigahon ki zuban Khub samajhata hoga
teri janib to utha karati hain aksar ankhain
log marte na dar-o-bam se takara ke kabhi
dekh lete jo 'Kamal' us ki samandar ankhain

[Soulmate]

Re: koi chehra hua roshan na ujagar ankhain

Hala jee great waise agar Urdu mein hoti tu kia baat the