Announcement

Collapse
No announcement yet.

Unconfigured Ad Widget

Collapse

~*~خلیل اللہ فاروقی~*~

Collapse
X
 
  • Filter
  • Time
  • Show
Clear All
new posts

  • ~*~خلیل اللہ فاروقی~*~

    دسمبر





    مجھ سے پوچھتے ہیں لوگ
    کس لئیے دسمبر میں
    یوں اداس رہتا ہوں
    کوئی دکھ چھپاتا ہوں
    یا کسی کے جانے کا
    سوگ میں مناتا ہوں

    آپ میرے البم کا
    صفحہ صفحہ دیکھیں گے
    آئیے دکھاتا ہوں
    ضبط آزماتا ہوں

    سردیوں کے موسم میں
    گرم گرم کافی کے
    چھوٹے چھوٹے سپ لے کر
    کوئی مجھ سے کہتا تھا
    ہائے اس دسمبر میں
    کس بلا کی سردی ہے
    کتنا ٹھنڈا موسم ہے
    کتنی یخ ہوائیں ہیں

    آپ بھی عجب شے ہیں
    اتنی سخت سردی میں
    ہو کے اتنے بے پروا
    جینز اور ٹی شرٹ میں
    کس مزے سے پھرتے ہیں

    شال بھی مجھے دے دی
    کوٹ بھی اڑھا ڈالا

    پھر بھی کانپتی ہوں میں

    چلئیے اب شرافت سے
    پہن لیجئے سویٹر
    آپ کے لئیے میں نے
    بن لیا تھا دو دن میں

    کتنا مان تھا اس کو
    میری اپنی چاہت پر

    اب بھی ہر دسمبر میں
    اسکی یاد آتی ہے

    گرم گرم کافی کے
    چھوٹے چھوٹے سپ لے کر
    ہاتھ گال پر رکھے
    حیرت و تعجب سے
    مجھ کو دیکھتی رہتی
    اور مسکرا دیتی

    شوخ و سرد لہجے میں
    مجھ سے پھر وہ کہتی تھی
    اتنے سرد موسم میں
    آدھی سلیوز کی ٹی شرٹ!ٓ
    اس قدر نہ اترائیں
    سیدھے سیدھے گھر جائیں
    اب کی بار جب آئیں
    براؤن ٹراؤزر کے ساتھ
    بلیک ہائی نیک پہنیں
    کوٹ کوئی ڈھنگ سا لے لیں
    ورنہ میں قسم سے پھر ایسے روٹھ جاؤں گی
    سامنے نہ آؤں گی
    ڈھونٹتے ہی رہئیے گا
    پاس بیٹھے ابّو کے
    پالٹیکس پر کیجئے گرم گرم ڈسکشن
    کافی لے کے کمرے مِیں مَیں تو پھر نہ آؤں گی
    خالی خالی نظروں سے آپ ان خلاؤں میں
    یوں ہی تکتے رہئیے گا
    اور بے خیالی پر ڈانٹ کھاتے رہئیے گا

    کتنی مختلف تھی وہ
    سب سے منفرد تھی وہ
    اپنی ایک لغزش سے
    میں نے کھو دیا اسکو

    اب بھی ہر دسمبر میں
    اسکی یاد آتی ہے


    خلیل اللہ فاروقی
    I aM Not a complete Idiot......Some parts are Missing........

  • #2
    Re: ~*~خلیل اللہ فاروقی~*~

    بہت ہی عمدہ شئیرنگ

    Comment


    • #3
      Re: ~*~خلیل اللہ فاروقی~*~

      nice





      Comment


      • #4
        Re: ~*~خلیل اللہ فاروقی~*~

        zabardast ....

        Comment

        Working...
        X