Naheed Virk

[saraah]

آنکھ سے غم نہاں نہیں ہوتے
پھر بھی آنسو رواں نہیں ہوتے
ہم کلام اُن سے ہیں تصوّر میں
اصل میں یہ سماں نہیں ہوتے
یوں تو کہنے کو ہم نہیں موجود
پر یہ سوچو کہاں نہیں ہوتے
عمر بھر کا ہے تیرا میرا ساتھ
اس قدر بدگماں نہیں ہوتے
پیار ہوتا ہے یا نہیں ہوتا
اس میں وہم و گماں نہیں ہوتے

[saraah]

Re: Naheed Virk

اے طلب زاد

غم رسیدہ روح کی زنجیر
گر تم توڑ بھی ڈالو
مری چپ کے قفل
گر کھول بھی ڈالو
تو آنکھوں کی نمی جو
میری سانسوں میں جمی ہے
اُس کی بوندیں
کب تلک چنتے رہو گے؟
بے صدا صبحوں کو آخر
کب تلک سنتے رہو گے؟

[saraah]

Re: Naheed Virk

آنکھوں میں تیرتے ہیں جو خواب شبنمی سے
ہر پل دمک رہی ہوں میں اُن کی روشنی سے
ہونٹوں پہ میرے کیسے ہیں راگ سرمدی سے
جھرنے سے پھوٹتے ہیں لہجے کی نغمگی سے
تُو درد بھی دعا بھی، تُو زخم بھی دوا بھی
شکوے بھی ہیں تجھی سے اور پیار بھی تجھی سے
مجھ سے کبھی ملو تو، چپکے سے پوچھنا تم
منظر سے ہٹ گئی کیوں ناہید خامشی سے
کیسے تجھے بتائیں، کیسے تجھے دکھائیں
دل زخم زخم کتنا ہے تیری دوستی سے
تُو شام بن کے آیا، تُو رات بن کے چھایا
وہ بے خودی ہے مجھ پر، ہوں دُور زندگی سے
اوراقِ زندگی پر سب داستاں رقم ہے
کیوں ایسے جی رہی ہے ناہید بے دلی سے

[saraah]

Re: Naheed Virk

continued.................

[life.]

Re: Naheed Virk

Bohat Khoob