کلام-میرا جی

[saraah]

بشکریہ سخن در سخن

[saraah]

Re: کلام-میرا جی

1



جیون جیوتی جاگ رہی ہے چھوڑ بہانے، چھوڑ بہانے
تن من دھن کی بھینٹ چڑھا دے کیوں سپنوں کے تانے بانے

آئے کون تجھے بہلانے، پہنچے کون تجھے سمجھانے
پھر پایا ہے پریم سدھانے، اُلجھایا ہے پریم کتھانے

آنکھیں کھول کے دیکھ جگت کو رنگ رنگ کی نیاری باتیں
ایک ہی چاند مگر آتا ہے تیری راتوں کو چمکانے

ساغر اُلٹے، مینا ٹوٹی، میخواروں کی سنگت چھوٹی
ڈھونڈنا اب بیکار ہے تیرا، خالی ہیں سارے میخانے

اس کے دامن میں سو لہریں، آئیں جھکولے، جائیں جھکولے
ہاں کہہ کر پھر جائیں پل میں، کوئی مانے کوئی نہ مانے

دیکھ کہ ندی اب گدلی ہے، جاگ کہ دنیا ہی بدلی ہے
موج کی راہ سے ناؤ ہٹا لے، آئے ہیں تیرے محل کو ڈھانے

پریم کا ساتھ ہے دکھ کا دارو، کیسا سکھ ہو، پاس نہیں تُو
آنے لگی گیسو کی خوشبو، پیتا ہوں رس کے پیمانے

مانا دکھ میں کھویا ہوا ہوں، تم سمجھے ہو سویا ہوا ہوں
دھرتی کو آکاش بنادوں، آئے ہو تم کس کو جگانے؟

[saraah]

Re: کلام-میرا جی

ڈھب دیکھے تو ہم نے جانا دل میں دھن بھی سمائی ھے
میر ا جی د انا تو نہیں ھے ، عاشق ھے سو د ا ئی ھے

صبح سویرے کون سی صورت پھلواڑی میں آئی ھے
ڈالی ڈالی جھوم اٹھی ھے ، کلی کلی لہرائی ھے

جانی پہچانی صورت کو اب تو آنکھیں ترسیں گی
نئے شہر میں جیون دیوی نیا روپ بھر لائی ھے

ایک کھلونا ٹوٹ گیا تو اور کئی مل جائیں گے
بالک یہ انہونی تجھ کو کس بیری نے سمجھائی ھے

دھیان کی دھن ھے امر گیت ، پہچان لیا تو بولے گا
جس نے راہ سے بھٹکایا تھا وہی راہ پر لائی ھے

جب دل گھبرا جاتا ھے تو آپ ہی آپ بہلتا ھے
پریم کی ریت اسے جانو پر ہونی کی چترائی ھے

امیدیں ، ارمان سبھی جل دے جائیں گے جانتے تھے
جان جان کے دھوکے کھائے ، جان کے بات بڑھائی ھے

ایسے ڈولے من کا بجرا جیسے نین بیچ ھو کجرا
دل کے اندر دھوم مچی ھے ، جگ میں اداسی چھائی ھے

[saraah]

Re: کلام-میرا جی

خاکِ جامِ مے ہے گردِ کارواں
اب نہیں اندیشۂ سود و زیاں

اب نَفَس کا زیر و بم کیا ہے؟ فقط
حاصلِ امّید مرگِ ناگہاں

عشرتِ حُسنِ نظر ہے بازگشت
اور تفکّر اک فریبِ رائیگاں

اب نجاتِ دائمی ہےایک لفظ
اور وہ اک لفظ بھی رازِ عیاں

ایک پردہ روز و شب شام و سحر
راز جُو اور جستجو کے درمیاں

اک تخیّل کے سوا کچھ بھی نہیں
رشتۂ دورِ زماں، دورِ مکاں

حاصلِ عمر دو روزہ ہے بہت
گر کبھی منزل کرے عمرِ رواں

کیوں نہ یہ تارِ رگِ جاں توڑیے
دیکھیے پھر کیوں نہ عیشِ جاوداں

سوچتے ہی سوچتے آیا خیال
کچھ نہیں ہستی سوائے جسم و جاں

وقت کی پرواز کے ہمدوش ہی
بہتا جائے گا یہ دریائے رواں

تم بھی یہ کہتے ہو بڑھتے چلو
الاماں، منزل کہاں، منزل کہاں؟

[saraah]

Re: کلام-میرا جی

جاری ہے۔۔۔۔۔۔۔۔۔۔۔۔

[thefire1]

Re: کلام-میرا جی

Assalaam-O-alaikum

Waqayi bohat hi gehri soch hay aur almost har sha'air ka markazi khayal un ki Mohabbat hay aur woh mehbooba hay jinn kay ishq main yeh griftar thay!!! Kaafi gehra asar tha iss mohabbat kay inn kay dil per... inn ki shayeri main hindo-pak kay dour kay alfaaz kaafi numayan hain jiss main hindi kay kuch shabdd bhi hain jo sunnay main bohat achay lagta hain aur samajhnay main bhi mushkilaat nahin..

kaafi aam-feham aur sehal alfaaz isitmaal kiye hain unhon nay apni shayeri main, bohat acha laga paRh kar, and thank you Saraah jee for sharing with us, khush rahyeh :)

Fi amaan ALLAH

[saraah]

Re: کلام-میرا جی

hmmmm good ...thanks 4 ur comments.

[life.]

Re: کلام-میرا جی

Bohat Khoob