< Abbas Taabish - Collection>

[saraah]

یہ عجب ساعتِ رخصت ہے کہ ڈر لگتا ہے
شہر کا شہر مجھے رختِ سفر لگتا ہے
ہم کو دل نے نہیں حالات نے نزدیک کیا
دھوپ میں دور سے ہر شخص شجر لگتا ہے
جس پہ چلتے ہوئے سوچا تھا کہ لوٹ آؤں گا
اب وہ رستہ بھی مجھے شہر بدر لگتا ہے
وقت لفظوں سے بنائی ہوئی چادر جیسا
اوڑھ لیتا ہوں تو سب خوابِ ہنر لگتا ہے
ایک مدت سے مری ماں نہیں سوئی تابش
میں نے اک بار کہا تھا مجھے ڈر لگتا ہے

[saraah]

Re: &lt; Abbas Taabish - Collection&gt;

یہ ان دنوں کا ذکر ہے اک بادشاہ تھا
جس کی نظر میں زندگی کرنا گناہ تھا

شوقِ مراجعت کی وہاں اڑ رہی تھی خاک
کشتی جلی ہوئی تھی کنارہ سیاہ تھا

میں اس کے ساتھ پھرتا تھا قصرِ قدیم میں
اس دوتی کا ایک کبوتر گواہ تھا

بیٹھا تھا اس پہ چاند کسی چیل کی طرح
کتنا بلند شہر میں نخلِ گناہ تھا

ٹوٹے پروں کا تاج مری یادگار ہے
اے کج کلاہ میں بھی کبھی کج کلاہ تھا

اہلِ حکم کو میری ضرور تھی جن دنوں
تکیہ فقیر کا مری آماجگاہ تھا

[saraah]

Re: &lt; Abbas Taabish - Collection&gt;

یار کے غم کو عجب نقش گری آتی ہے
پور پور آنکھ کی مانند بھری جاتی ہے

بے تعلق نہ ہمیں جان کہ ہم جانتے ہیں
کتنا کچھ جان کے یہ بے خبری آتی ہے

اس قدر گوندھنا پڑتی ہے لہو سے مٹی
ہاتھ گھُل جاتے ہیں پھر کوزہ گری آتی ہے

کتنا رکھتے ہیں وہ اس شہرِ خموشاں کا خیال
روز ایک ناؤ گلابوں سے بھری آتی ہے

زندگی کیسے بسر ہوگی کہ ہم کو تابش
صبر آتا ہے نہ آشفتہ سری آتی ہے

[saraah]

Re: &lt; Abbas Taabish - Collection&gt;

وہ بھولتا ہے نہ دل میں اتارتا ہے مجھے
ہمیشہ مار محبّت کی مارتا ہے مجھے

میں اس کا لمحۂ موجود ہوں مگر وہ شخص
فضول وقت سمجھ کر گزارتا ہے مجھے

بظاہر ایسا نہیں پیڑ اس حویلی کا
ہوا چلے تو بہت پھول مارتا ہے مجھے

میں اس کے ہاتھ میں جاتا ہوں مال و زر کی طرح
وہ روز قرض سمجھ کر اُتارتا ہے مجھے

[saraah]

Re: &lt; Abbas Taabish - Collection&gt;

ہنسنے نہیں دیتا کبھی رونے نہیں دیتا
یہ دل تو کوئی کام بھی ہونے نہیں دیتا

تم مانگ رہے ہو مرے دل سے مری خواہش
بچّہ تو کبھی اپنا کھلونا نہیں دیتا

میں آپ اُٹھاتا ہوں شب و روز کی ذلّت
یہ بوجھ کسی اور کو ڈھونے نہیں دیتا

وہ کون ہے اس سے تو میں واقف بھی نہیں ہوں
جو مجھ کو کسی اور کا ہونے نہیں دیتا

[saraah]

Re: &lt; Abbas Taabish - Collection&gt;

ہمیں پچھاڑ کے کیا حیثیت تمھاری تھی
وہ جنگ تم بھی نہ جیتے جو ہم نے ہاری تھی

اور اب تمھیں بھی ہر اک شخص اچھا لگتا ہے
گئے دنوں میں یہی کیفیت ہماری تھی

ہمارے چہرے دمِ صبح دیکھتے آ کر
کہ ہم نے رات نہیں زندگی گزاری تھی

بچھڑ گیا وہ جُدائی کے موڑ سے پہلے
کی اس کے بعد محبّت میں صرف خواری تھی

[saraah]

Re: &lt; Abbas Taabish - Collection&gt;

نہ تجھ سے ہے گلہ نہ آسمان سے ہوگا
تری جُدائی کا جھگڑا جہان سے ہوگا

تمھارے میرے تعلق کا لوگ پوچھتے ہیں
کہ جیسے فیصلہ میرے بیان سے ہوگا

اگر یونہی مجھے رکھا گیا اکیلے
برآمد اور کوئی اس مکان سے ہوگا

جُدائی طے تھی مگر یہ کبھی نہ سوچا تھا
کہ تو جُدا بھی جُداگانہ شان سے ہوگا

گزر رہے ہیں مرے دن اسی تفاخر میں
کہ اگلا قیس مرے خاندان سے ہوگا

[saraah]

Re: &lt; Abbas Taabish - Collection&gt;

میں اس کی آہٹیں چُن لوں، میں اس کو بول کر دیکھوں
گلی میں کون پھرتا ہے دریچہ کھول کر دیکھوں

اور اب یہ سوچتا ہوں کیا تہِ داماں پڑے رہنا
کسی مشعل کی لو ٹھہروں، ہوا میں ڈول کر دیکھوں

یونہی شاید تسلّی ہو مری خستہ مزاجی کی
میں اپنی خاک ہی کوئے ہنر میں رول کر دیکھوں

یہ کیسی بید مجنوں کی تمنّا مجھ میں در آئی
کہ میں بھی خود میں پیدا یہ اَنا کا جھول کر دیکھوں

مرے بھی سر پہ رکھا ہے جنوں اسباب کی صورت
ملے فرصت تو اس گٹھڑی کو میں بھی کھول کر دیکھوں

نہ وہ آوارگی مجھ میں، نہ وہ آشفتگی مجھ میں
میں کس معیار پہ اپنی وفا کو تول کر دیکھوں

[ummid]

Re: &lt; Abbas Taabish - Collection&gt;

goood : )

[thefire1]

Re: &lt; Abbas Taabish - Collection&gt;

Assalaam-O-alaikum

Bohat khoob, main nay Abaas Taabish sahab ko LIVE bhi sunaa hay jitna inn kay lafzoon main wazan hay utni hi wazandaar unki awaaz hay.... unki 19 minute ki live recording meray mobile main qaaid hay jo main aksar-O-paishtar sunta rehta hoon..... unka aik shaair jaisay dil main hi bas gaya hay....

Chahay main saathwain dar pay bhi chuppa kar rakhoon
Jam hi jaati hay meri jaan teri tasweer pay khaaak
Usski awaaz pay main daair say poohancha Taabish
Aisi takheer pay aur bayis-e-takheer pay khaaak!Keep sharing, khush rahyeh.

Fi amaan ALLAH

[saraah]

Re: &lt; Abbas Taabish - Collection&gt;

shukria :)


ji inki ek ghazal bas parhi thi aur behadd pasnd aayi .....baqi kalam haal hi me parrhnay ka itefaq hua ..bohat pasnd aaya tou yaha share kr diya

[life.]

Re: &lt; Abbas Taabish - Collection&gt;

Bohat Khoob