...ho jaanaa(nayi tarahi ghazal)

[shummu]

Salaam ek nayi tarahi ghazal pesh-e-khidmat hai..ummeed hai aap ko pasand aayegi..aap ki aara ki muntazir :)

mere apnoN ka mujhee se yuN khafaa ho jaanaa
aur kia hoga mire Haq meiN buraa ho jaana

kyaa yahii hota hai anjaam-e-wafaa ho jaanaa ?!
'rote rote gham-e-furqat meiN fanaa ho jaanaa' ?!

teri qasmoN,tire waadoN ka wafaa ho jaanaa
jaise ik khwaab ka aankhoN se rihaa ho jaanaa

is janam meiN na sahii duuje janam meiN milnaa
tum agar mere na ho paana,judaa ho jaanaa

yuN achaanak miri dunyaa meiN tiraa aa jaanaa
jaise maangaa huaa qismat se ataa ho jaanaa

ho na ho meri duaaoN ka asar hai jaanaaN
abr-e-shaadaaN ka tiree chath pe ghanaa ho jaanaa

Aye mire dushman-e-jaaN itna karam farmaanaa
jaate jaate dil-e-bismil ki dawaa ho jaanaa

baais-e-be kali ban jaaye na terii furqat
khwaab meiN hee sahi tuu jalwa numaa ho jaanaa

jab bhi niklooN maiN khule sar tiri yaadeN le ker
dhoop meiN Gham kii tuu khushyoN ki ridaa ho jaanaa

gar ye taqdeer nahii hai to bataa phir kyaa hai?
mere haathoN ki lakeeroN ka likhaa ho jaanaa

faqat,
Shumaila

[.]

Re: ...ho jaanaa(nayi tarahi ghazal)

mere apnoN ka mujhee se yuN khafaa ho jaanaa
aur kia hoga mire Haq meiN buraa ho jaana


:thmbup:

[hayaa_n]

Re: ...ho jaanaa(nayi tarahi ghazal)

Shumaila ji Matlay say lay kar Maqtay tak har shair apni misaal aap hay..:masha bouhat umda shaaira hain aap.Allah aap ko mazeed nawazay.Aameen.:)

[shummu]

Re: ...ho jaanaa(nayi tarahi ghazal)

mere apnoN ka mujhee se yuN khafaa ho jaanaa
aur kia hoga mire Haq meiN buraa ho jaana


:thmbup:

thanx dear :rose

[shummu]

Re: ...ho jaanaa(nayi tarahi ghazal)

Shumaila ji Matlay say lay kar Maqtay tak har shair apni misaal aap hay..:masha bouhat umda shaaira hain aap.Allah aap ko mazeed nawazay.Aameen.:)

Shukriya HAYA sis ke aap ko mera likha pasand aaya..hausla afzaayi farmaane ka dil ki gehraaiyon se shukriya qubool farmaayein :rose


Adaab,
Shumaila

[Masood]

Re: ...ho jaanaa(nayi tarahi ghazal)

'rote rote gham-e-furqat meiN fanaa ho jaanaa' ?!
kyaa yahii hota hai anjaam-e-wafaa ho jaanaa ?!

Bohat zabardast!!! Shumaila yeh shair husn-e-adaeegi ki aik bohat aala misaal hai. Isko jaisey bhi aagey peechey karlo dono aetbaar sey sinaf-e-shairi ka behtareen namoona hai. I'll once in my oldie days tell my grand grand grand childs that I was honoured to comment Shummu ji shairi :)

[shummu]

Re: ...ho jaanaa(nayi tarahi ghazal)

'rote rote gham-e-furqat meiN fanaa ho jaanaa' ?!
kyaa yahii hota hai anjaam-e-wafaa ho jaanaa ?!

Bohat zabardast!!! Shumaila yeh shair husn-e-adaeegi ki aik bohat aala misaal hai. Isko jaisey bhi aagey peechey karlo dono aetbaar sey sinaf-e-shairi ka behtareen namoona hai. I'll once in my oldie days tell my grand grand grand childs that I was honoured to comment Shummu ji shairi :)

omg Masood jee aap ne to humeiN sharminda hi kar diya......:embarasse qasam se itni zabardast taareef to kisi ne na ki hogi.....I'm really really honourned ..bahut bahut shukriyaaaaaaaaaaaaaaaaaaaaaaaaaaaaaaaa aap ke khuloos bhare replies ka :rose

Shumaila

[khurram_shaikh]

Re: ...ho jaanaa(nayi tarahi ghazal)

Assalaam o alekum,


awaaaaaay bahooot khoooob shummu raani bahoot hi zabardast kalaam likhaa tumnien poori ki poori ghazal hi lajawaab aur pukashish hai dheroon daad qabool karo khush rahoo :rose :rose :rose

Aye mire dushman-e-jaaN itna karam farmaanaa
jaate jaate dil-e-bismil ki dawaa ho jaanaa

[shummu]

Re: ...ho jaanaa(nayi tarahi ghazal)

Bahut bahut shukriya khurram jeeeeeeeee aap ne ek baar phir dili daad se nawaaza aur meri hausla afzaayi farmaayi................. shukriya!!!!:rose


Shumaila