bahut lagta hai Dar tere jahaaN se

[shummu]

Salaam ahl-e-bazm apni ek puraani ghazal share karna chaahungi..ummeed hai aap sab ko pasand aayegi :rose

bahut lagta hai Dar tere jahaaN se
uThaa le Aye Khuda mujh ko yahaaN se

nikal kar gardish-e-wehm-o-gumaaN se
uTar aa tuu zameeN par aasmaaN se

chupaa rakhaa hai jo ahl-e-jahaaN se
kahiN zaahir na ho jaaye zubaaN se

dhu'aaN saa uTh rahaa hai aashiyaaN se
najaane kaun guzraa hai wahaaN se

wafaa hee uTh gayee jab darmiyaaN se
umeedeN kyaa rakh`ooN us mehrbaaN se?!

takabbur mein sabhi doobe hue hain
"nikal jaaye na kuch meri zubaaN se"

na de takleef khud ko tuu khudaaraa!
milega kuch nahi aah-o-fuGhaaN se

Rafeeqo! ab na khelo is qadar tum
miree barbaadiyoN kii daastaaN se!!!

mire haathoN hi ujRaa hai gulistaaN
mujhe shikwah naheeN kuch baaGhbaaN se!

chalee kyooN rooTh ke umr-e-guraizaaN?!
mirii to jung hai umr-e-rawaaN se!

Shukriya,
Shumaila

[hayaa_n]

Re: bahut lagta hai Dar tere jahaaN se

Daad kay liye jin lafzon ki zaroorat hay woh mairay pass nahi...:masha aik aik shair apni misaal aap hay kownsa shair ziyada achcha hay batana mushkil hay.bouhat umda andaz-e-bayaa'n.:)

[rehman]

Re: bahut lagta hai Dar tere jahaaN se

wonderful sharing......

[Aania]

Re: bahut lagta hai Dar tere jahaaN se

chupaa rakhaa hai jo ahl-e-jahaaN se
kahiN zaahir na ho jaaye zubaaN se

dhu'aaN saa uTh rahaa hai aashiyaaN se
najaane kaun guzraa hai wahaaN se

wafaa hee uTh gayee jab darmiyaaN se
umeedeN kyaa rakh`ooN us mehrbaaN se?!


Wow Bohat Zabardast
keep sharing...

[shummu]

Re: bahut lagta hai Dar tere jahaaN se

Daad kay liye jin lafzon ki zaroorat hay woh mairay pass nahi...:masha aik aik shair apni misaal aap hay kownsa shair ziyada achcha hay batana mushkil hay.bouhat umda andaz-e-bayaa'n.:)

Hayaa sis aap ki khuloos-e-dil se di gayi daad ka behad shukriya...it means a lot to me...thanx from the bottom of my heart! :rose :rose

Khush rahein!!

Shumaila

[shummu]

Re: bahut lagta hai Dar tere jahaaN se

wonderful sharing......

Thanx a lot!!! :rose

[khurram_shaikh]

Re: bahut lagta hai Dar tere jahaaN se

W salaam,

Shummu rani bahoot khoob bahoot zabardast likhaa hai tumnien tumhaari yeh ghazal baar baar perhnien ko jee chaahataa hai dher saari daad qabool karo aur yun humse apnien behtreen kalaam perhaati rahi waise ek baat kahoongaa ab tum ek majhi huee shaira nazer aanien lagi ho :) khush raho

[Masood]

Re: bahut lagta hai Dar tere jahaaN se

Sab sey pehley to yeh kehna chahoon ga keh aap ney is mehfil mein apney kalaam sey jo ronaq bakhshi hai woh bohat haseen hai. Hamein fakher rahey ga keh aap yahan apna kalaam share karti hain. Bohat aala zoq paya hai aap ney.

bahut lagta hai Dar tere jahaaN se
uThaa le Aye Khuda mujh ko yahaaN se

Yehi to main kehna chah raha hoon - bohat safar kiya hai ab thakawat si mehsoos ho rahi hai, kahan kahan nahin loota jahan ney - aik aakhri umeed ki kiran baqi hai. Warna chal so chal :)

chupaa rakhaa hai jo ahl-e-jahaaN se
kahiN zaahir na ho jaaye zubaaN se

Bohat si batein hoti hai jo zubaan per aatey aatey rah jati hain, keh kisi ka bharam na toot jaey aur jab insaan ka bharam toot jata hai to kuchh baqi nahin bachta

wafaa hee uTh gayee jab darmiyaaN se
umeedeN kyaa rakh`ooN us mehrbaaN se?!

Yahan badla wafa ka hamesha bewafai ki surat mein mila hai, shayid yehi duniya ka dastoor hai, keh jis sey wafa karo wohi bewafa ban ker milta hai... wafa aik anqa ki manind hai, suna hai per dekha nahin!!

takabbur mein sabhi doobe hue hain
"nikal jaaye na kuch meri zubaaN se"

Main to bol parrta hoon :lol mera qalam to kabhi khamosh nahin rehta aur takabbur karney walon ka anjaam bhi bura hi hota hai na.

na de takleef khud ko tuu khudaaraa!
milega kuch nahi aah-o-fuGhaaN se

Ro ro key bechara chup kar jaey ga, dukh sah sah kar dheet ho jaey ga, sitam sah sah kar is qadar zakhmi ho jaey ga keh phir mazeed zakhmon key liye jaggah nahin ho gi.

Rafeeqo! ab na khelo is qadar tum
miree barbaadiyoN kii daastaaN se!!!

lekin log kahan parwa kartey hain? lootey huwoun ko mazeed loot'tey hain, bikhrey huwoun ko mazeed bikhertey hain, tootey huwoun ko mazeed torrtey hain - that's life :)

mire haathoN hi ujRaa hai gulistaaN
mujhe shikwah naheeN kuch baaGhbaaN se!

Shikwa na kar gila na kar!!!

[shummu]

Re: bahut lagta hai Dar tere jahaaN se

chupaa rakhaa hai jo ahl-e-jahaaN se
kahiN zaahir na ho jaaye zubaaN se

dhu'aaN saa uTh rahaa hai aashiyaaN se
najaane kaun guzraa hai wahaaN se

wafaa hee uTh gayee jab darmiyaaN se
umeedeN kyaa rakh`ooN us mehrbaaN se?!


Wow Bohat Zabardast
keep sharing...

Thanx a lot Aania :rose :rose

[Yaaram]

Re: bahut lagta hai Dar tere jahaaN se

Bohat umdah alfaz ke sath aap ka kalam parha......bohat acha laga...daad wasol karein
Keep writing :)

[shummu]

Re: bahut lagta hai Dar tere jahaaN se

W salaam,

Shummu rani bahoot khoob bahoot zabardast likhaa hai tumnien tumhaari yeh ghazal baar baar perhnien ko jee chaahataa hai dher saari daad qabool karo aur yun humse apnien behtreen kalaam perhaati rahi waise ek baat kahoongaa ab tum ek majhi huee shaira nazer aanien lagi ho :) khush raho

Bahut bahut shukriya Khurram jee..aap ne itne pyaare alfaaz mein na sirf meir ghazal ko saraaha balki meri bahut hausla afzaayi bhi farmaayi jis ke liye main aap ki saraapa mamnoon-o-mutashakkir hoon :rose

Shumaila

[shummu]

Re: bahut lagta hai Dar tere jahaaN se

Salaam-o-Adaab maqsood sahab....jis darya dili se aap ne mere kalaam ko apni daad se nawaaza hai aur qadam qadam pe meri hausla afzaayi farmaayi hai uske liye main jitna bhi aap ka shukriya adaa karoon kam hi hoga.......aap ne sher ba sher tabsira farmaaya parhkar achcha laga....samajh lijiye meri mehnat wusool ho gayi..jab koi qaari aap ke kalaam ko itne dil se mehsoos karke paRhe aur apne taasuraat raqam kare to is qadar khushi milti hai iska to aap ko bhi andaaza hoga kyonki aap khud ek likhaari hain :)

is ghazal ko bhi apni qeemti raaye se nawaazne ke liye main bahut bahut mamnoon hoon aapki !!


Shukria....
Shumaila

[shummu]

Re: bahut lagta hai Dar tere jahaaN se

Bohat umdah alfaz ke sath aap ka kalam parha......bohat acha laga...daad wasol karein
Keep writing :)

Shukriya Adnan jee tah-e-dil se naacheez ke kalaam ko saraahne ke liye :rose

[MeemSheenAlif]

Re: bahut lagta hai Dar tere jahaaN se

sub tareefe kur rahe he...
mein bhi kur deta ho..

buhat khub :P

[shummu]

Re: bahut lagta hai Dar tere jahaaN se

sub tareefe kur rahe he...
mein bhi kur deta ho..

buhat khub :P

badi meherbaani huzoor :salam: