Tweet
Qazaa aati hai behad khaam'shii se
salam ahl-e-bazm bahut arse baad idhar aana hua..kuch naya to likha nahi to ek puraana kalaam haazir hai...
1. qazaa aatee hai behad khaam'shii se
churaa le jaati hai woh zindagii se
churaa le jaati hai woh zindagii se
2. koii hota nahiN mujrim khushii se
'khataa hoti hai Saahib aadmii se'
'khataa hoti hai Saahib aadmii se'
3. chaleiN jaayeiN na hum naaraazgii se
ab aise bhi na bolo berukhii se
ab aise bhi na bolo berukhii se
4. achaanak ho chali raGhbat usii se
mujhe dekhaa tha jis ne saadgii se
mujhe dekhaa tha jis ne saadgii se
5. kabhi jo guzre hain wo is galii se
chehek uTThe hain rasteiN bhi khushii se
chehek uTThe hain rasteiN bhi khushii se
6. zaraa tum jaa ke keh do raushnii se
mujhe to hai muhabbat teergii se
mujhe to hai muhabbat teergii se
7. kabhii hoti hai aankhein nam khushii se
kabhii ro uThti hoon afsurdagii se
kabhii ro uThti hoon afsurdagii se
8. yahii seekhaa hai maine zindagii se
raqaabat tum nahi rakhnaa kisii se
raqaabat tum nahi rakhnaa kisii se
9. milo sab se milo tum khushdilii se
magar tum door rehnaa dostii se
magar tum door rehnaa dostii se
10. chupe rehte hain laakhoN Gham isii meiN
kabhi dhoka na khaana tum HaNsii se
kabhi dhoka na khaana tum HaNsii se
11. abhi to ishq ka aaGhaaz hai jee!
abhi se Dar gaye tum aashiqii se?!
abhi se Dar gaye tum aashiqii se?!
12. jakaR letaa hai hum ko ik fusooN meiN
woh ho ker lab.kushaa jaadoogarii se
woh ho ker lab.kushaa jaadoogarii se
13. hue hain aap jab se door humse
lagaa baiThe hain dil hum shaayrii se
lagaa baiThe hain dil hum shaayrii se
14. laraz uThti hoon har aahaT pe maiN to
milaa hai Dar ye mujh ko aaghii
milaa hai Dar ye mujh ko aaghii
15. ye kaisa shehr hai? yaaro!yahaan par
humeiN hotii hai wehshat aadmii se
humeiN hotii hai wehshat aadmii se
16. saNbhal jaoo abhi se tum,Khudaara!
milegaa kuch nahii aawaargii se
milegaa kuch nahii aawaargii se
Adaab,
shumaila:rose
shumaila:rose
Attached Files
Comment