bichaR kar aap se humko,khushii achchii nahii lagtii

[shummu]

Salam ahl-e-bazm..chuttiyon pe gayi hui thi isliye yahan aana na ho paaya tha magar ab wapis aayi hoon to kaise khaali haath aati..isliye nayi na sahi ek puraani ghazal hi aap sab ki nazr kar rahi hoon..ummeed hai aap ko pasand aayegi aur apni aara se nawaazenge hamesha ki tarah :rose

bichaR kar aap se humko,khushii achchii nahii lagtii
laboN par yeh banaawat kii haNsii achchii nahii lagtii

kabhii to khoob lagtii thii magar ye sochtii hoon ab
ke mujhko kyoN merii ye zindagii achchii nahii lagtii?!

tirii maujoodagii meiN to mujhe har baat bhaati thi
'terii furqat meiN koii baat bhii achchii nahii lagtii'

ko'ii to saaz chheRe, ko'ii to naGhma idhar gooNje!
bharii mehfil meiN itnii khaam'shii achchii nahii lagtii

kabhii hum bhii huaa karte the baadaakash magar jab se
tujhe dekha hai tab se maikashii achchii nahii lagtii

zara tuu paas aa,maiN poNchh doon ashkoN ko pallu se
tirii maasoom aankhoN meiN namii achchii nahii lagtii

miree aaNkhoN ne jab se jeena seekhaa hai aNdheroN meiN
kisii bhii qism kii ho raushnii,achchii nahii lagtii

mujhe har gaam pe dukh,dard,ranj-o-gham mile lekin
khudaaya aur ab uftaadgii achchii nahii lagtii!

na de har vaqt tuu dastak mire darvaaza-e-dil par!
k ab mujh ko yeh "tarz-e-dil-lagii" achchhi naheeN lagtii

agar tum chaah sakte ho,to dil se chaaho mujhko tum
mohabbat meiN merii jaaN bedilii achchii nahii lagtii

jhijhakte kyon ho kehne se?HumeiN maaloom hai sab kuch!
k tum ko ab HAMAARI dostii achchhi naheeN lagtii!

faqat,
Shumaila

[Wafa]

Re: bichaR kar aap se humko,khushii achchii nahii lagtii

poore ghazal bohot he zabardast likhe hai....kafi ache shaira hai...

[shummu]

Re: bichaR kar aap se humko,khushii achchii nahii lagtii

poore ghazal bohot he zabardast likhe hai....kafi ache shaira hai...

Thank u so much Wafa :)

[Salauddien Mengal]

Re: bichaR kar aap se humko,khushii achchii nahii lagtii

nice...

[Yaaram]

Re: bichaR kar aap se humko,khushii achchii nahii lagtii

sare ashaar hi bohat pasand aaye lekan is sher ki kya hi baat hay
ko'ii to saaz chheRe, ko'ii to naGhma idhar gooNje!
bharii mehfil meiN itnii khaam'shii achchii nahii lagtii

[shummu]

Re: bichaR kar aap se humko,khushii achchii nahii lagtii

nice...

thanx..! :)

[Eshaa Chaudhry]

Re: bichaR kar aap se humko,khushii achchii nahii lagtii

ko'ii to saaz chheRe, ko'ii to naGhma idhar gooNje!
bharii mehfil meiN itnii khaam'shii achchii nahii lagtii

na de har vaqt tuu dastak mire darvaaza-e-dil par!
k ab mujh ko yeh "tarz-e-dil-lagii" achchhi naheeN lagtii

agar tum chaah sakte ho,to dil se chaaho mujhko tum
mohabbat meiN merii jaaN bedilii achchii nahii lagtii

ye shr hamein sab se ziyada achhay lagay:)

is ghzal ka her lafz apni zuban aap bolta hay ....boht umdah ghazal hai ...:rose :rose

[shummu]

Re: bichaR kar aap se humko,khushii achchii nahii lagtii

ye shr hamein sab se ziyada achhay lagay:)

is ghzal ka her lafz apni zuban aap bolta hay ....boht umdah ghazal hai ...:rose :rose

shukriya tah-e-dil se Eshaa jee :)

[Hamsafar]

Re: bichaR kar aap se humko,khushii achchii nahii lagtii

what........................ a fantastic job..............great

[shummu]

Re: bichaR kar aap se humko,khushii achchii nahii lagtii

what........................ a fantastic job..............great

Thank ...you.....soooooooooooo...much :salam:

[fari]

Re: bichaR kar aap se humko,khushii achchii nahii lagtii

:clap: Wah kiya baat ha.....bohat khoob shummu jee:wk

[shummu]

Re: bichaR kar aap se humko,khushii achchii nahii lagtii

shukrya fari jee:-)

[Masood]

Re: bichaR kar aap se humko,khushii achchii nahii lagtii

bichaR kar aap se humko,khushii achchii nahii lagtii
laboN par yeh banaawat kii haNsii achchii nahii lagtii

Insaan ki har hansi har khushi ander sey wabasta hoti hai, jab ander hi karb ho to hansi kaisi? khushi kaisi? - Agar ander insaan toot jaey aur honto per hansi dikhata rahey to woh banawati hi lagti hai, Shumaila koi tareef nahin, lekin bohat umdah!

kabhii to khoob lagtii thii magar ye sochtii hoon ab
ke mujhko kyoN merii ye zindagii achchii nahii lagtii?!

Haan kabhi zindagi har talkhi, har imtihaan har aazmaish mein achhi lagti hai - har sitam bardasht hota keh saath mein woh hain, magar jab wohi na rahey to zindagi bhi azzab hai.

tirii maujoodagii meiN to mujhe har baat bhaati thi
'terii furqat meiN koii baat bhii achchii nahii lagtii'

Unka hi tasswwar hai mehfil ho ya tanhaii - jab wohi nahin to kya koi shay bhaey gi...aik aur shair bohat aala meyaar ka shummu...

ko'ii to saaz chheRe, ko'ii to naGhma idhar gooNje!
bharii mehfil meiN itnii khaam'shii achchii nahii lagtii

Patah hai shummu udasi bahir nahin hoti hai, udasi siraf insaan key ander hoti hai. Aur insaani ki udasi is liye hoti hai keh woh ander sey toot chuka hota hai - aaj is baat ka ehsaas bohat hi shiddat sey hai keh tanhaii kya hoti hai....

kabhii hum bhii huaa karte the baadaakash magar jab se
tujhe dekha hai tab se maikashii achchii nahii lagtii

kabhi is ghar mein woh ronaq thi keh har koi is mein basney ki koshish karta tha, jab sey woh gaey hain har janib aik udaaaaaaaaaaaaaaaasi hai...

zara tuu paas aa,maiN poNchh doon ashkoN ko pallu se
tirii maasoom aankhoN meiN namii achchii nahii lagtii

... aur jab askh hi naseeb hon shummu to woh kaisey poochhein jaein? Palu gela ho jaey to phir kabhi aansu nahin poonchh sakta. Ashk naseeb hon to koi unhein poonchh nahin sakta, balkey janey waley to mazeed ashk dey jatey hain - yeh shair is meyaar ka hai keh merey paas alfaaz nahin keh kaisey in ki tareef karoon. Is shair ney dil key taar chheerr diyey hain. Shummu aap dil key ehsaas ki tarajumani karti ho.

miree aaNkhoN ne jab se jeena seekhaa hai aNdheroN meiN
kisii bhii qism kii ho raushnii,achchii nahii lagtii

Aisa hi mehsoos hota hai jab insaan ko andherey hi nazar aaein to woh kisi tor chain nahin paata, har taraf ussey andhera nazar aata hai aur jab kahin sey koi roshni ki kiran nazar bhi aa jaey to saraab lagti hai - shummu bohat khoob!

mujhe har gaam pe dukh,dard,ranj-o-gham mile lekin
khudaaya aur ab uftaadgii achchii nahii lagtii!

Excellent.

na de har vaqt tuu dastak mire darvaaza-e-dil par!
k ab mujh ko yeh "tarz-e-dil-lagii" achchhi naheeN lagtii

Waaaaaaaaaah kya baat hai Shummu - kya baat hai. Ab to shayid sacha pyar bhi yehi lagi jaisey dillagi thi.

agar tum chaah sakte ho,to dil se chaaho mujhko tum
mohabbat meiN merii jaaN bedilii achchii nahii lagtii

:) is ko kaun samjhey ga? shayid koi nahin. Magar yeh woh haqeeqat hai jo pyar ko ruswaa karti hai. Pyar bedili sey nahin hota balkeh pyar key liye to bohat bada dil chahey hota hai bohat bada ...

jhijhakte kyon ho kehne se?HumeiN maaloom hai sab kuch!
k tum ko ab HAMAARI dostii achchhi naheeN lagtii!

haan ab kah kyun nahin detey keh tum meri kashti per bojh ho - utar ker phaink kyun nahin detey takeh ik aur muhabbat ka afsana ban jaey.
Shummu tum bohat azeem shairi karti ho - Allah Tala tumhein bohat zahanat sey nawaza hai. Jeeti raho

[vajiha]

Re: bichaR kar aap se humko,khushii achchii nahii lagtii


:clap:

[shummu]

Re: bichaR kar aap se humko,khushii achchii nahii lagtii

:clap:

shukriya:)