intezaar ka bojh uthana meri adat hai

[shehzadi]

intezaar ka bojh uthana meri adat hai,
vadon ki lashain dhotey jana meri adat hai,,

gamey dil meri bataon se pareshaan to nahin,
teri batain kartey rahna meri adat hai,,

tum bhi kabhi koi sapna buno,
khuli ankhon ko khuwab dikhana meri adat hai,,

rusvaiyon ki aag main jalti nahin hoon main,
sard rishto main khud ko jhulsana meri adat hai,,

badey shauk se mujhko dardey jafa dijiye,
jikrey gam se jee bahlana meri adat hai,

dariya see rawani 'SHEHZADI' sahil sey takrana,
apni ro main bahtey jana meri adat hey...

[shehzadi]

Re: intezaar ka bojh uthana meri adat hai

Dard ki raahon pe hum phool sajaa detey hain
Ajnabi khuwabon ko gehri neend sula detey hain


Bhanwar-e-maazi se hum ko kya lena dena janab
Hum to roz naye din ko naya jashn bana detey hain


Jalana chahe ger koi hume tou khud jal jatey hain
Suni ko an-suni kerke hassii mei udda detey hain


Jo sochte hain ussey ker dikhane ki chah rakhte hain
Manzil duur kahan usey hum khud paas bula detey hain


Khagaz ki tarah zindagi apni lafzon ka dariya hai yahan
Jo Lafz dard de jayen SHEHZADI hum usko mitta detey hain ..

[shehzadi]

Re: intezaar ka bojh uthana meri adat hai

Dil sa raha jigar sa raha jaan sa raha,
Hairat hai phir bhi hum se wo anjaan sa raha.

Hum apne dil ki baat jo tumse na kar sake,
Barson humara zahan pareshan sa raha.

Hum aapse bichad ke akele nahi rahe,
ek umar gham humara nigahbaan sa raha.

Pal bhar mein saath chor ke anjaan ho gaya
Barson humare dil mein jo mehmaan sa raha.

[WASI ANJUM]

Re: intezaar ka bojh uthana meri adat hai

Waah bahot khoobsurat poetry likhi hai aap ne nice one

[Soulmate]

Re: intezaar ka bojh uthana meri adat hai

wow beautiful poetry