keh shaair main ban jaaunga

[Mujahid Khan]

main ney yeh na socha thah
keh main shaair bun jaaunga

urdney ki aik talab thi mujh mey
kuchh banna bhi chaahta thah lekin
ishq ka bhi bhhoot sawar thah mujh pey
ik naqshah bhi baar baar puchah thah
keh main maahir bun jaaunga
lekin yeh shaayad na socha thah
keh main shaair bun jaaunga

ik dhun mey rehta thah aksar
yeh ishq muhabbat cheez hai kia
jisey aaj talak koi samaj na paya
main haar key bhi kuch thhuk na paya
per ishq samandron dunga hai
yeh kon hai kia hai gunga hai
her waqt imtihaan leta hai
her shakhs ko yeh der rehta hai
aur mushkil sey paas hota hai
keh main baahir ho jaaunga
per main ney yeh na socha thah
keh main shaair bun jaaunga

ishq key her rang ki gehraai mey
kuchh alag sey rang tarang hain yaaro
her rang key her ada mey phir
fitrat ki rangeeni bhi hai
yeh rang tarang phir hum pey yaaro
muhabbat key rang barsaati hai
khheton ki sansanahat sey
baarish ki tiptipaahat sey
phoolon ki narmaahat sey
naazninon ki thhakawat sey
sirf piar muhabbat ishq dekhha
per ishq ki uss gehraai ko
main phir bhi samajh na paaya huun
aur sub sey main ney baari baari
ishq key baarey puchah thah
aur yeh bhi main ney socha thah
aakhir aashiq main bun jaaunga
per main ney yeh na socha thah
keh shaair main bun jaaunga

rehman mujahid